މިދިޔަ އަހަރާ އަޅާބަލާއިރު މި އަހަރު އިންފްލުއެންޒާ ޖެހުނު މީހުންގެ އަދަދު ފަސް ގުނަ އިތުރުވެފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
އެޗްޕީއޭ އިން މިއަދު ވަނީ މި އަހަރުގެ އޭޕްރިލް 6 އިން މެއި 17 އާ ހަމައަށް ރޯގާގެ ގޮތުގައި ފެތުރޭ ބަލިތައް ރިޕޯޓްކޮށްފައިވާ ގޮތުގެ ތަފާސްހިސާބު އާންމުކޮށްފަ އެވެ.
އެޗްޕީއޭ އިން ބުނި ގޮތުގައި، މި ދުވަސްވަރު އަރިދަފުސް ރޯގާ ޖެހިގެން ރިޕޯޓް ކުރާ އަދަދު ވަނީ މިދިޔަ އަހަރުގެ މި ދުވަސްވަރާ އަޅާބަލާއިރު އިތުރުވެފަ އެވެ. އެގޮތުން މިހާރު ފެތުރެމުންދާ އަރިދަފުސް ރޯގާގެ ތެރެއިން އެންމެ ގިނައިން ރިޕޯޓް ކުރަމުން ދަނީ އިންފްލުއެންޒާ އަދި ކޮވިޑް-19 ކަމަށް ބުންޏެވެ.
ތަފާސްހިސާބު ދައްކާ ގޮތުން މިދިޔަ އަހަރުގެ މި ދުވަސްވަރު އިންފްލުއެންޒާ ޖެހިގެން ރިޕޯޓް ކޮށްފައިވަނީ 50 މީހެކެވެ. ނަމަވެސް މި ދުވަސްވަރު އެ އަދަދު ވަނީ ފަސް ގުނަ އިތުރުވެ، 254 އަށް އަރައިފަ އެވެ.
ކޮވިޑަށް ބަލާއިރު މިދިޔަ އަހަރާ އަޅައި ބަލާއިރު މާބޮޑު އިތުރުވުމެއް ނުފެނެ އެވެ. ތަފާސްހިސާބު ދައްކާ ގޮތުން މިދިޔަ އަހަރުގެ މި ދުވަސްވަރު ފެނުނީ ކޮވިޑްގެ 38 ކޭސް އެވެ. މި ދުވަސްވަރު ފެނިފައިވަނީ 37 ކޭސް އެވެ.
އެޗްޕީއޭ އިން ބުނީ، މި ދުވަސްވަރު ރާއްޖޭގެ ހުރިހާ ހިސާބެއްގައިވެސް އަރިދަފުސް ރޯގާ ޖެހިގެން ރިޕޯޓް ކުރާ އަދަދު އިތުރުވެފައިވީ ނަމަވެސް ކޮވިޑް އަދި އިންފްލުއެންޒާ ޖެހިގެން އެންމެ ގިނައިން ރިޕޯޓް ކޮށްފައިވަނީ މާލެ ސަރަހައްދުން ކަމަށެވެ.
1 Comment
ގުޅުންހުރި
އައްޑޫ ސިޓީ އާއި ހުޅުދޫ އަދި މީދޫގެ އިހްތިސާސަށް ބަދަލު ގެނެސްފި
މަގުތަކުގައި ނަންބޯޑު ޖެހުމަށް 25 މިލިއަން ރުފިޔާއަށް ހަވާލުކުރި ކަމަށް ދެކެވޭ
މާވިން އިސްލާމްވެއްޖެ، އޭނާގެ އާ ނަމަކަށް ޔޫސުފް
ގޯއްޗާއި ފްލެޓަށް އެދި ހުށަހެޅުމުގެ މުއްދަތު އޭޕްރީލްގެ ނިޔަލަށް އިތުރުކޮށްފި
ރައީސް، މެދުހެންވޭރު ”ދޮރުންދޮރަށް“ ހަރަކާތަށް
ނުކުޅެދުންތެރިކަން ހުންނަ ކުދިންގެ ބެލެނިވެރިންނަށް ގޭގައި ތިބެގެން މަސައްކަތް ކުރެވޭ ގޮތަށް