ހަމަސް ތެރޭގައި އެމްޑީޕީއަށް އިތުރުވީ 10 މެންބަރުން

ފާއިތުވި ހަމަސް ތެރޭގައި އެމްޑީޕީއަށް އިތުރުވީ 10 މެންބަރުން ކަމަށް އިލެކްޝަންސް ކޮމިޝަން (އީސީ)ގެ ތަފާސްހިސާބުތަކުން ދައްކައިފި އެވެ.

އީސީން އާންމުކުރި ތަފާސްހިސާބުގައިވާ ގޮތުން މިދިޔަ އަހަރު ފެށުނުއިރު އެމްޑީޕީގައ 52،142 މެމްބަރުން ތިއްބެވެ. ނަމަވެސް އޭގެ ފަހުން މެމްބަރުން މަދުވެ، އެ ޕާޓީގައި މިހާރު ތިބީ 43،755 މެމްބަރުން ކަމަށް ތަފާސް ހިސާބުން ދައްކަ އެވެ.

އެމްޑީޕީއަށް ހަ މަސް ތެރޭގައި 10 މެމްބަރުން އިތުރުވިޔަސް، އެ ޕާޓީ އޮތީ ދެ ވަނަ އަށް އެންމެ މެމްބަރުން ގިނަ ޕާޓީގެ ގޮތުގައި ކަމަށް ތަފާސްހިސާބުން ދައްކަ އެވެ.

އެންމެ މެންބަރުން ގިނަ ސިޔާސީ ޕާޓީގެ ގޮތުގައި އޮތީ ޕީއެންސީ އެވެ. އެ ޕާޓީގައި 68,665 މެމްބަރުން އެބަ ތިއްބެވެ. އެކަމަކު މީގެ ފަސް މަސް ކުރިން އެ އަދަދު ހުރީ 68،968 ގަ އެވެ.

އެހެންކަމުން މިދިޔަ ހަ މަސް ތެރޭގައި އެ ޕާޓީން މަދުވީ 303 މެމްބަރުންނެވެ.

އެހެން ޕާޓީތަކުގެ މެންބަރުންގެ އަދަދަކީ:

ޢަދާލަތު ޕާޓީ: 8,844

ޖުމްހޫރީ ޕާޓީ: 13,456

މޯލްޑިވްސް ޑިވެލޮޕްމަންޓް އެލަޔަންސް: 9,011މޯ

މޯލްޑިވްސް ތާޑްވޭ ޑިމޮކްރެޓްސް: 2,272

މޯލްޑިވްސް ނެޝަނަލް ޕާޓީ: 5,836

ޕީޕަލްސް ނޭޝަނަލް ފްރަންޓް: 3,046