މާލޭގެ ރައްޔިތުންނަށް ގޯތި ދިނުމަށް ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ހިންގި ބިންވެރިޔާ ސްކީމުގެ ދަށުން ގުޅިފަޅުން ގޯތި ލިބުނު 843 ފަރާތަކަށް ގޯތީގެ ރަޖިސްޓްރީ ދޫކޮށްފައިވާ ކަމަށް ހައުސިން މިނިސްޓްރީން ބުނެފި އެވެ.
ގުޅިފަޅުގެ ލޭންޑް ޔޫސް ޕްލޭނަށް މި އަހަރުގެ ޖޫން ދެވަނަ ދުވަހު ގެނައި ބަދަލާ ގުޅިގެން ގުރުއަތު ނެގުމަށް ފަހު، ގޯތި ލިބިފައިވާ މީހުންނަށް ރަޖިސްޓްރީ ދޫކުރުމުގެ މަސައްކަތް ކުރިއަށް ގެންދަނީ ހައުސިން މިނިސްޓްރީ ކުރިން ހިންގި އިމާރާތުގެ ބިމުގައެވެ.
ހައުސިން މިނިސްޓްރީން މިއަދު ކުރި އިއުލާނެއްގައި ބުނެފައިވާ ގޮތުން ލޭންޑް ޔޫސް ޕްލޭނަށް ގެނައި ބަދަލާ ގުޅިގެން، ކުރިން ބިންވެރިޔާ ސްކީމުގެ ދަށުން ގުޅިފަޅުން ގޯތި ލިބިފައިވާ ފަރާތްތަކުގެ ގޯތީގެ ލޮކޭޝަން ވާނީ ބަދަލުކުރެވިފަ އެވެ. އެގޮތުން ގުޅިފަޅުން ގޯތި ލިބިފައިވާ ފަރާތްތަކުގެ މެދުގައި 30 މެއި 2025 ހުކުރު ދުވަހު އުސްފަސްގަނޑު ސަރަހައްދުގައި ވަނީ ގުރުނެގުން ބާއްވާފައެވެ.
އެއާއެކު ގޯތި ލިބޭ ފަރާތްތަކަށް ކުރިން ދޫކޮށްފައިވާ ”ބަންޑާރަ ގޯތީގެ ރަޖިސްޓްރީ“ ބާތިލުކޮށް، ކުރިން ސޮއިކޮށްފައިވާ ”ބަންޑާރަ ގޯތީގެ އެއްބަސްވުން“ އުވާލައި އާ ”ބަންޑާރަ ގޯތީގެ ރަޖިސްޓްރީ“ އާއި ”ބަންޑާރަ ގޯތީގެ އެއްބަސްވުން“ ދޫކުރަން ވަނީ ފަށައިފަ އެވެ.
ގުޅުންހުރި
އެއްބަސްވުމާ ހިލާފަށް ކުއްޔަށް ދީފައިވޭތޯ ބަލަން ފްލެޓްތައް ބަލައި ފާސްކުރަން ފަށަނީ
ގެޒެޓްގައިވާ ލިސްޓާ ހިލާފަށް އެއްވެސް ފަރާތެއް ލިސްޓަށް އިތުރެއް ނުކުރަން: މުއްތަލިބް
ނޮޅިވަރަންފަރުގެ ހައުސިން ޔުނިޓް އެއްބަސްވުމުގައި ސޮއިނުކުރާ ފަރާތްތަކަށް އަންނަ ހަފުތާގައި ފުރުސަތުދެނީ
ގުޅިފަޅުން ދޫކުރާ ގޯތިތަކުގެ އިން ވަކިކުރަން ފަށައިފި
ހަނިމާދު އަށް ބަދަލުކުރާތީ ހިރިމަރަދޫގައި ގޯތީގެ ކަންކަން ނުކުރަން އެދިއްޖެ
ގުޅިފަޅު ގޯތީގެ އެއްބަސްވުންތަކުގައި ގާނޫނީ ފުށުއެރުންތަކެއް ހުރުމުން އޭޖީ އޮފީހާ މަޝްވަރާކުރަނީ