ކާޑުގެ ބާވަތްތަކުގެ އިތުރުން މޭވާއާއި ތަރުކާރީގެ ބާވަތްތައް ގަނޑުކޮށް އެތެރެކޮށް ވިއްކަން ފަށަން އެސްޓީއޯއަށް ރައީސް ޑރ. މުހައްމަދު މުއިއްޒު އަންގަވައިފިއެވެ.
ރައީސް ޑރ. މުހައްމަދު މުއިއްޒު އެކްސްގައި އިއްޔެ ކުރެއްވި ޕޯސްޓެއްގައި ވިދާޅުވީ ކެބިނެޓުގެ އެ ނިންމުމަކީ ރާއްޖޭގައި ފުޑް ސެކިއުރިޓީ ގާއިމުކުރުމަށް މެނިފެސްޓޯގައި އެ މަނިކުފާނު ކަނޑައަޅާފައިވާ ސިޔާސަތު ތަންފީޒުކުރުމަށް ކުރެވޭ މަސައްކަތުގެ ދަށުން ނިންމި ނިންމުމެއް ކަމަށެވެ.
އެގޮތުން ރާއްޖޭގައި ޒަމާނުންސުރެ ކަނޑައަޅާފައިވާ ކާޑުގެ ބާވަތްތައް ކަމުގައިވާ ހަނޑޫ، ހަކުރު، ފުށުގެ އިތުރުން ރާއްޖެއަށް އެންމެ ގިނައިން އެތެރެކުރާ ދިހަ ބާވަތުގެ މޭވާ އާއި ދިހަ ބާވަތުގެ ތަރުކާރީ އަދި މުގު، ބިސް، އަލުވި އެސްޓީއޯ އިން ގަނޑުކޮށް އެތެރެކޮށް ރާއްޖޭގެ ބާޒާރުގައި ވިއްކަން ފެށުމަށް ކެބިނެޓުގެ މަޝްވަރާ އާއެކު މިއަދު ނިންމާފައިވާ ކަމަށް ރައީސް ވިދާޅުވި އެވެ.
ކެބިނެޓުން އެ ނިންމުން ނިންމާފައިވާ އިރު، މިދިޔަ މަހު މޭވާގެ ބާވަތްތަކުގެ އަގު ވަނީ މިދިޔަ އަހަރުގެ އެ މުއްދަތަށްވުރެ، ދިހަ ޕަސެންޓް އުފުލިފަ އެވެ. އެކަމާއި ގުޅިގެން އެސްޓީއޯ އިން ވަނީ ރާއްޖެއަށް އޮރެންޖު ޝިޕްމަންޓެއް އެތެރެކޮށް ވިއްކަން ފަށައިފި އެވެ.
ގުޅުންހުރި
ކުންފުންޏެއްގެ އެކައުންޓުން ފައިސާ ނެގި މައްސަލައިގައި އިތުރު ތިން މީހަކު ހައްޔަރަށް
ހިދުމަތް ފެށުމަށް ޑިވެލޮޕްމަންޓް ބޭންކަށް ހުއްދަ ދީފި
އެސްޓީއޯގެ ޑިރެކްޓަރުންގެ ބޯޑަށް ކުރިމަތިލުމަށް ހުޅުވާލައިފި
ޖިންސީ ފުރައްސާރަކުރި މައްސަލާގައި އެފްއައިޔޫ ގެ ވެރިޔާ ސާޖިދު މަގާމުން ވަކިކޮށްފި
ގިރާވަރުފަޅުން ދޫކުރާ ގޯތިތައް ކަނޑައެޅުމަށް އަލުން ގުރުއަތު ނަގަނީ
ސަސްޓެއިނަބުލް ޓައުންޝިޕް މަޝްރޫއުގެ އަމަލީ މަަސައްކަތް ފަށައިފި