ކުރުނބާ މޯލްޑިވްސް ރިސޯޓު ކައިރިން ދަތުރު ކުރަމުންދިޔަ މަސް ދޯންޏެއްގައި އަލިފާން ރޯވެއްޖެއެވެ.
އަލިފާން ރޯވުމާއެކު އެމްއެންޑީއެފް މާލޭ އޭރިއާ ކޮމާންޑް، ހުޅުމާލޭ ފަޔާ ސްޓޭޝަނުން މިހާރު ދަނީ ހަރަކާތްތެރިވަމުންނެވެ.
ފުލުހުން ބުނީ ކުރުނބާ މޯލްޑިވްސް ރިސޯޓު ކައިރިން މަސް ދޯންޏެއްގައި އަލިފާން ރޯވެފައިވާ ކަމުގެ މައުލޫމާތު މިއަދު މެންދުރުފަހު 2:54 ހާއިރު ރިޕޯޓުކޮށްފައިވާ ކަމަށެވެ.
އެ ހާދިސާ ހިނގިއިރު ދޯނީގައި 15 މީހުން ތިބި ކަމަށާއި އެ ހާދިސާގައި އަނިޔާވި ފަސް މީހަކު މާލެ ގެނެސް، ފަރުވާ ދެމުންދާ ކަމަށެވެ.
ފުލުހުން ދަނީ އެ ސަރަހައްދުގައި ހަރަކާތްތެރިވަމުންނެވެ.
