މިހާރު ކުރިއަށް ގެންދާ ލޯކަލް ކައުންސިލްތަކުގެ އިންތިހާބާއި އަންހެނުންގެ ކޮމިޓީތަކުގެ އިންތިހާބު އަދި ހިޔާލު ހޯދުމުގެ ވޯޓުގައި މާލޭގެ މޭޔަރު ކަމަށް ޕީއެންސީގެ ޓިކެޓުގައި ވާދަކުރައްވާ މޫސާ އަލީ ޖަލީލާއި އެމްޑީޕީގެ ޓިކެޓުގައި ވާދަކުރައްވާ އާދަމް އާޒިމް ވޯޓު ލައްވައިފި އެވެ.
އާޒިމް ވޯޓު ލައްވާފައިވަނީ މާފަންނު މަދަރުސާގައި ހުންނަ ވޯޓު ފޮއްޓަކަށެވެ.
މާލޭގެ މޭޔަރު ކަމަށް ވާދަކުރައްވާ ބޭފުޅުންނަކީ (ކެންޑިޑޭޓު ނަންބަރު ތަރުތީބުން):
- އަހުމަދު އައިހަމް މުހައްމަދު، އަމިއްލަ ގޮތުން
- އިސްމާއިލް ޒަރިޔަންދު، އަމިއްލަ ގޮތުން، ކުރީގެ ރައީސް އަބްދުﷲ ޔާމީންގެ ތާއީދާ އެކު
- މިހާރުގެ މޭޔަރު އާދަމް އާޒިމް، އެމްޑީޕީ
- މޫސާ އަލީ ޖަލީލު، ޕީއެންސީ
- އަބްދުﷲ މަހުޒޫމް މާޖިދު، އެމްޑީއޭ
