މި އަހަރުގެ ޖޫން މަހުން ފެށިގެން 10 ގޭންގު ލީޑަރެއްގެ މައްސަލަ ބަލަމުން އަންނަ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެ އެވެ.
ސަލްޓަން ޕާކުގައި ރޭ ބޭއްވި ’އަހާ‘ ފޯރަމްގައި ވާހަކަދައްކަވަމުން އިހުސާން ވިދާޅުވީ, ސަލްޓަން ޕާކުގައި ރޭ ބޭއްވި ’އަހާ‘ ފޯރަމްގައި ވާހަކަދައްކަވަމުން އިހުސާން ވިދާޅުވީ, 2007 އިން ފެށިގެން އަދުގެ ރައީސް ޑރ. މުހައްމަދު މުއިއްޒު ވެރިކަމާ ހަވާލުވަންދެން, ކޮންމެ އަހަރަކު ދޭކާއި ފަހަކާ ދެމެދުގެ އަދަދެއްގެ މީހުން ގޭންގު މާރާމާރީތަކުގައި މަރާލެވިފައިވާ ކަމަށެވެ.
ނަމަވެސް ގޭންގުތަކާ ދެކޮޅަށް މި ސަރުކާރުން އަޅަން ފެށި ފިޔަވަޅު ތަކާއެކު ކުޑަކުދިން ގޭންގުތަކަށް ރެކްރޫޓްކުރަން ބޭނުންކުރާ 26 ’ސޭފްހައުސް‘ އެއް ރެއިޑްކޮށް, 10 ގޭންގު ލީޑަރެއްގެ މައްސަލަ ބަލަމުން އަންނަ ކަމަށް ވިދާޅުވި އެވެ.
”އާ ގާނޫނުގެ ދަށުން މި މީހުންނާ ދޭތެރޭގައި ފިޔަވަޅު އެޅިގެންދާއިރުގައި ރާއްޖޭގައި މި އޯގަނައިޒްޑް ކްރައިމްގައި ގޭންގު ހަދައިގެން މިއުޅޭ އުޅުމުގެ މައްސަލައަށް ދާއިމީ ހައްލެއް އަންނާނެ,“ އިހުސާން ވިދާޅުވި އެވެ.
