11 ސްކޫލެއްގައި ވަކި މާއްދާއެއްގެ ގޮތުގައި ގައުމިއްޔަތު ކިޔަވައިދޭން ފަށައިފި

ރާއްޖޭގެ 11 ސްކޫލެއްގައި ވަކި މާއްދާއެއްގެ ގޮތުގައި ގައުމިއްޔަތު ކިޔަވައިދޭން ފަށައިފި އެވެ.

ދިވެހިވަންތަކަން ހުރި ދިވެހި ގައުމު ދެކެ ލޯބިވާ ގައުމާ މެދު ވިސްނައި ގައުމާމެދު ފަހުރުވެރިވާ ދަރިވަރަކު އުފެއްދުމުގެ ބޭނުމުގައި ގައުމިއްޔަތު ވަކި މާއްދާއެއް ގޮތުގައި ކިޔަވައިދިނުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.

ގައުމިއްޔަތު މާއްދާ ޕައިލެޓްކޮށްފައި ވަނީ މާލޭގެ ހަތަރު ސްކޫލެއްގައި އަތޮޅުތެރޭގެ ހަތް ސްކޫލެއްގަ އެވެ. ނަމަވެސް، ރަސްމީކޮށް ހުރިހާ ސްކޫލެއްގައި ކިޔަވައިދޭން ފަށަން ނިންމާފައި ވަނީ އަންނަ މޭ މަހު ފަށާ، ދިރާސީ އާ އަހަރާއެކު ކަމަށް އެޑިއުކޭޝަން މިނިސްޓްރީން ބުނެ އެވެ.

މިއަދު ގައުމިއްޔަތު ކިޔަވައިދޭން ފެށި ސްކޫލުތައް:

1. ބ. އަތޮޅު ތައުލީމީ މަރުކަޒު
2. ޅ. އަތޮޅު ތައުލީމީ މަރުކަޒު
3. ފ. މަގޫދޫ ސްކޫލު
4. އަބޫބަކަރު ސްކޫލު
5. ހިތަދޫ ސްކޫލު – ޖީއެސް03
6. މުހައްމަދު ޖަމާލުއްދީން ސްކޫލު
7. ކަލާފާނު ސްކޫލު
8. ތާޖުއްދީން ސްކޫލު
9. މުހިއްދީން ސްކޫލު
10. ސަލާހުއްދީން ސްކޫލު
11. ވ. އަތޮޅު ތައުލީމީ މަރުކަޒު