ރައްޔިތުންގެ މަޖިލީހުގެ ކައުންސެލް ޖެނެރަލް ފާތިމަތު ފިލްޒާ އަކީ އެވަގުތަކު މަޖިލީހުގެ ރައީސް ކަމުގައި ހުންނަވާ ބޭފުޅަކު ބޭނުންފުޅުވާގޮތަށް ލަފާ ދެއްވާ ބޭފުޅެއް ކަމަށް ފޮނަދޫ ދާއިރާގެ މެމްބަރު މޫސާ ސިރާޖު ވިދާޅުވެއްޖެއެވެ.
ސިރާޖު މިހެން ވިދާޅުވީ މަޖިލީހުން ރުހުން ނުދިން ވަޒީރުން އަލުން އެ މަގާމަށް އައްޔަންކޮށް އެ ބޭފުޅުންގެ ނަންފުޅު މަޖިލީހަށް ނުފޮނުވޭނެ ކަމަށް ފިލްޒާ ލަފާ ދެއްވާ ކަމަށް އެމްޑީޕީން ބުނުމުން އެކަމަށް ރައްދު ދެއްވައި އެކްސްގައި ކުރެއްވި ޕޯސްޓެއްގައެވެ.
ސިރާޖު ވަނީ ފިލްޒާގެ އަމަލުތައް ހުރިގޮތް ހެއްކާއެކު ރައްޔިތުންނަށް ހާމަކޮށްދެއްވާފައެވެ. އެގޮތުން މަޖިލީހުގެ ރައީސާއި ނައިބު ރައީސްގެ އިތުބާރު ނެތްކަމުގެ ވޯޓާ ގުޅިގެން ފިލްޒާ ދެއްވި ލަފަޔަކީ ގާނޫނާ ހިލާފު ލަފައެއް ކަމަށް ސުޕްރީމް ކޯޓުން ކަނޑައަޅާއި ހުކުމް އިއްވާފައިވާކަން ސިރާޖު ފާހަގަކުރެއްވިއެވެ.
ކުރީގެ ބަންޑާރަ ނައިބު ފާތިމަތު ދިޔާނާ ސައީދު ވެސް ވަނީ ރުހުން ނުދިން ވަޒީރުން އަލުން އެ މަގާމަށް އައްޔަން ކުރެއްވުމަކީ ގާނޫނު އަސާސީއާ ހިލާފު ކަމެއް ކަމަށެވެ. އެ ވާހަކައަށް ރައްދު ދެއްވަމުން ސިރާޖު ވިދާޅުވީ އެ ތިން ވަޒީރުންނަށް ދެވަނަ ފަހަރަށް ވެސް ހުވާ ލައިދެއްވީ ސުޕްރީމް ކޯޓުގެ ފަނޑިޔާރެއް ކަމަށެވެ. އެހެންކަމުން އެއީ ގާނޫނު އަސާސީއާ ހިލާފު ކަމެއް ކަމުގައިވާނަމަ ސުޕްރީމް ކޯޓުގެ ފަނޑިޔާރަކު އެފަދަ ކަމެއް ނުކުރައްވާނެ ކަމަށް އޭނާ ވިދާޅުވިއެވެ.
ބައެއް ވަޒީރުންނަށް ރުހުން ނުދިނުމުގެ އިތުރުން ރައީސް މުހައްމަދު މުއިއްޒު މަގާމުން ވަކިކުރަން މަޖިލީހަށް ހުށަހަޅަން އެމްޑީޕީން ވަނީ މަސައްކަތް ފަށައިފައެވެ.
އެކަމާ ގުޅިގެން އޭދަފުށީ ދާއިރާގެ މެމްބަރު އަހްމަދު ސަލީމް ވިދާޅުވީ ރައީސް މުއިއްޒު މަގާމުން ވަކިކުރުމުގެ މައްސަލަ މަޖިލީހުގައި ކުރިއަށްގެންދަން ޖެހޭނީ ސަރުކާރަށް ނިސްބަތްވާ މެމްބަރުންގެ ފުރާނަ ދުއްވާލުމަށްފަހު ކަމަށެވެ.
ގުޅުންހުރި
2 ކިލޯގެ ޑުރަގް އެތެރެކުރުން: ޕާކިސްތާން މީހަކަށާއި 2 ދިވެހިންނަށް ދައުވާ
ފަޒީސް ހިޖާމާ ބަންދު ކޮށްދޭން ހެލްތް މިނިސްޓްރީން ޕޮލިހުގައި އެދިއްޖެ
ހޯރަފުށީގައި ފުޅާ ދާއިރާއެއްގައި ޑުރަގުގެ ވިޔަފާރިކުރާ ކަމަށް ތުހުމަތުވާ މީހަކު ހައްޔަރަށް
އިގުތިސާދު ސިންދަފާތު ކުރުމަކީ ދިރިހުރުމަށްޓަކައި ކޮންމެހެން ކުރަންޖެހޭ ކަމެއް: ރައީސް
ސިޓީ ކައުންސިލާއި ފުލުހުން ނުކުމެ މަގުތަކުގައި ހުރި ބާވެ، ހަލާކުވެފައިވާ 224
ރާއްޖެއަށް ޑުރަގް އެތެރެކުރި ކަމަށް ތުހުމަތުވާ 65 އަހަރުގެ މީހަކު އެއާޕޯޓުން