އެސްޓީއޯ ރަމަޒާން ބާޒާރު ފަށައިފި، %50 ހަމައަށް ޑިސްކައުންޓް، އެއް ވަނައަށް ބައިލައްކަ ރުފިޔާގެ މުދާ

އެސްޓީއޯ ކޮންސްޓްރަކްޝަން ސޮލިއުޝަންސްގެ ”ރަމަޒާން ބާޒާރު“ ފަށައިފި އެވެ.

މިއަދުން ފެށިގެން އަންނަ އޭޕްރިލް މަހުގެ 11 ވަނަ ދުވަހުގެ ނިޔަލަށް ކުރިއަށް ގެންދާ އެ ޕްރޮމޯޝަން ކުރިއަށްދާނީ އެސްޓީއޯގެ މަކިޓާ ޝޯވްރޫމް، އަމީނީ މަގުގައި ހުންނަ ނިޕޯން ޝޯރޫމުގެ އިތުރުން ލ. ފޮނަދޫގެ ފިހާރައިންނެވެ.

މި ޕްރޮމޯޝަންގައި އެސްޓީއޯ އިން ވިއްކާ ޕްރޮޑަކްޓުތަކުން 50 ޕަސެންޓާ ހަމައަށް ޑިސްކައުންޓް ލިބޭނެ އެވެ.

އަދި ޕްރޮމޯޝަންގައި ކޮންމެ 500 ރުފިޔާގެ ވިޔަފާރި އަކަށް ޑިޖިޓަލް ކޫޕަނެއް ލިބޭނެ އެވެ. ކޫޕަން ލިބޭ ފަރާތްތަކުގެ މެދުގައި ރޯދަ މަސް ނިމުމުން ގުރުއަތު ނަގާނެ އެވެ.

އެ ލަކީޑްރޯ އިން އެއް ވަނައަށް ހޮވޭ ފަރާތަކަށް ހުށަހަޅާފައިވަނީ އެސްޓިއޯ ކޮންސްޓްރަކްޝަންސް ސޮލިއުޝަންސް އިން ބައިލައްކަ ރުފިޔާގެ މުދަލުގެ ގިފްޓް ވައުޗާ އެކެވެ.

މީގެ އިތުރުން ހަ ނަސީބުވެރި ފަރާތަކަށް ފަސްހާސް ރުފިޔާގެ މުދާ އެސްޓީއޯގެ ކޮންސްޓްރަކްޝަންސް ސޮލިއުޝަންސްގެ އައުޓްލެޓްތަކުން ގަނެވޭނެ އެވެ. އެގޮތުން ސިމެންތި, ހިލަ, ހިލަވެލި، އަދި ނިޕޯން ޕެއިންޓް ފަދަ އާންމުކޮށް ކޮންސްޓްރަކްޝަން އިންޑަސްޓްރީގައި ބޭނުންކުރާ ބާވަތްތައްވެސް އިނާމު ލިބޭ ނަސީބުވެރިންނަށް ނެގޭނެ އެވެ.