ދީޕިކާ އިނީ ފުރަތަމަ ދަރިފުޅަށް ބަލިވެ!

އިންޑިއާގެ މަޝްހޫރު ބަތަލާ ދީޕިކާ ޕަދްކޯން ބަލިވެ އިންކަން އޭނާ ރަސްމީކޮށް މިއަދު އިއުލާންކޮށްފި އެވެ.

ދީޕިކާ އާއި ރަންވީރްގެ އިންސްޓަގްރާމްގައި މިކަން އިއުލާންކޮށް ބުނެފައި ވަނީ ދަރިފުޅު އުފަންވާނީ ސެޕްޓެމްބަރު މަހުގެ ތެރޭގައި ކަމަށެވެ.

ދީޕިކާ ބަލިވެއިންކަން އޭނާ ރަސްމީކޮށް އިއުލާން ކުރި އިރު، ލަންޑަނުގައި ބޭއްވި 77 ވަނަ ބަފްތާ ރެޑް ކާޕެޓުގައި ދީޕިކާގެ ބަނޑު ފޮރުވަން އުޅުމުން އެކަން މީޑިއާތަކަށް ޝައްކުވި އެވެ. އަދި އިންޑިއާގެ ބައެއް މީޑިއާތަކުން ވަނީ ދީޕިކާ މިހާރު އިނީ ސެކަންޑް ޓްރެމެސްޓާގައި ކަމަށް ބުނެފަ އެވެ.

ބޮލީވުުޑްގެ މިހާރުގެ އެންމެ ނުފޫޒު ގަދަ ތަރިންގެ ތެރޭގައި ހިމެނޭ ދީޕިކާ އާއި ރަންވީރު ކައިވެނި ކުރީ 2018 ގައެވެ.