އާރްޑީސީއާ ގުޅޭގޮތުން ފުލުހުންނާއި އޭސީސީ ގުޅިގެން ތަހުގީގު ކުރާ މައްސަލާގައި އެކަށީގެންވާ ހެކި ހުރި ކަމެއް ނޭނގޭ ކަމަށް ފުލުހުން ބުނެފިއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ފުލުހުންނާއި އޭސީސީ ގުޅިގެެން އެ މައްސަލަ ތަހުގީގު ކުރަން ވަނީ އެއްބަސްވުމެއްގައި ސޮއިކޮށްފައެވެ.
ފުލުހުން ތަހުގީގު ކުރަނީ މީގެ ދޮޅު އަހަރު ކުރިން ސެޕްޓެމްބަރު، 2022، ގައި އާރްޑީސީއާ ގުޅޭގޮތުން އެމްއެމްއޭ އިން ހުށަހެޅި މައްސަލައެކެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ފުލުހުންގެ އިކޮނޮމިކް ކްރައިމް ޑިޕާޓްމަންޓުގެ ހެޑު ސްޕްރިންޑަންޓު އޮފް ޕޮލިސް އަބްދުﷲ ރަޝީދު ވިދާޅުވީ ތިން މީހެއްގެ އެކައުންޓަށް އާރްޑީސީގެ 14 މިލިއަން ރުފިޔާ ވަދެފައިވާ ކަމަށެވެ.
ފުލުހުންގެ ކްރައިމް އިންވެސްޓިގޭޝަން ހެޑް، އަހްމަދު ނާފިޒް ވިދާޅުވީ ތުހުމަތު ކުރެވޭ އެއްވެސް މީހަކާ މެދު ދައުވާ ކުރެވޭ ވަރަށް ހެކި ހުރިކަމަށް ދަންނަވަން އަދި އުނދަގޫ ކަމަށެވެ.
”އަޅުގަނޑުމެންނަށް ދަންނަވަން އުނދަގޫ މީގެ ތެރެއިން އެއްވެސް މީހަކާ މެދު އަދި ދައުވާ ކުރެވޭ ވަރަށް އަޅުގަނޑުމެންނަށް ހެކި ލިބިފައި އެބަހުއްޓޭ,“ ނާފިޒް ވިދާޅުވި އެވެ.
އާރްޑީސީގެ އެކައުންޓުން އެތަނުގެ އެއް މުވައްޒަފުގެ އެކައުންޓަށް 216 ޓްރާންސެކްޝަން ހަދާފައިވާ ކަމަށް ފުލުހުން ބުންޏެވެ. ފުލުހުން އަންނަނީ އެކަމުގެ ހަގީގަތް ހޯދަމުންނެވެ.

ގުޅުންހުރި
ކުދިންނަށް ބުލީކުރުމަށް ހިންގާ ޕޭޖުތަކެއް ފުލުހުން ބްލޮކްކޮށްފި
ކައުންސިލުތަކުގެ އާ އިމާރާތް ހަދަން ހަވާލުކުރިތާ ހަ މަސްތެރޭ އެއްބަސްވުން ބާތިލުކޮށްފި
މާފަރުގެ އިހުތިސޯސުން ފަރުމުލި ވަކިކޮށް، ޓޫރިޒަމަށް ހުޅުވާލައިފި
އެންސްޕާގެ ހަރަދުގައި ތައިލެންޑުން ފަރުވާ ހޯދަން 33 މީހަކަށް އެހީ ދީފި
ކަރެކްޝަންސްއާ ހަވާލުކުރަން ވެގެން ކުޅުދުއްފުށި އެއާޕޯޓު މެނޭޖަރު ހައްޔަރުކޮށްފި
ރައީސްގެ ޕޮޑްކާސްޓުތައް މަޑުޖެހިއްޖެ، މިދިޔަ މަހު އެއްވެސް އެޕިސޯޑެއް ނުދައްކާ