މެލޭޝިއާގައި ކިޔަވަމުންދިޔަ ދަރިވަރަކު ކާރު އެކްސިޑެންޓެއްގައި ނިޔާވެއްޖެ އެވެ.
ސަރުކާރުން މިކަން ’ހަފްތާ‘ އަށް ކަށަވަރުކޮށްދިން ނަމަވެސް އިތުރު ތަފުސީލެއް އަދި ހާމައެއް ނުކުރެ އެވެ.
މައުލޫމާތު ލިބިފައިވާ ގޮތުގައި އައްޑޫއަށް ނިސްބަތްވާ 22 އަހަރުގެ އެ ކުއްޖާ ނިޔާވީ ދެ ކާރެއް ޖެހި ހިނގި އެކްސިޑެންޓެއްގައެވެ.
ނިޔާވި ކުއްޖާ އިން ކާރުގައި އިތުރު ދިވެހި ދަރިވަރަކުވެސް އިން ކަމަށާއި އެ ދަރިވަރަށްވެސް އަނިޔާތަކެއް ލިބުނު ކަމަށް މައުލޫމާތު ލިބެ އެވެ. ނަމަވެސް އަނިޔާގެ ތަފުސީލެއް އަދި ނުލިބެ އެވެ.
އެނގިފައިވާ ގޮތުގައި ދިވެހި ދެ ދަރިވަރުންނަކީވެސް މެލޭޝިއާގެ ޓޭލާސް ޔުނިވާސިޓީގައި ކިޔަވަމުންދިޔަ ދެ ދަރިވަރުންނެވެ.
ނަމަވެސް އެކްސިޑެންޓް ހިނގަން މެދުވެރިވި ސަބަބެއް އަދި ނޭނގެ އެވެ.
