އޭދަފުށީގެ ބައެއްގެ ގޮތުގައި އެ ރަށުގެ ބިމުގެ ބޮޑުމިނާ އެއްވަރުގެ މާއްޑޫ ހަމަޖައްސައިފި

އޭދަފުށީގައި ރޭ ބޭއްވި ޖަލްސާގައި ރައީސް ޑރ. މުހައްމަދު މުއިއްޒު އިއުލާނު ކުރެއްވި ގޮތަށް ބ. މާއްޑޫއަކީ އޭދަފުށީގެ ބައެއްގެ ގޮތުގައި ކަނޑައަޅުއްވައިފި އެވެ.

ރައީސް ޑރ. މުއިއްޒު، ބ. އަތޮޅަށް ކުރައްވަމުން ގެންދަވާ ދަތުރުފުޅުގައި ރޭ އޭދަފުއްޓަށް ވަޑައިގެން ރަށުގެ ރައްޔިތުންނާ ބައްދަލުކުރައްވައި އެ މަނިކުފާނު ވަނީ އޭދަފުށީގެ ބައެއްގެ ގޮތުގައި މާއްޑޫ ކަނޑައަޅުއްވައި އެކަމާ ބެހޭ ލިޔެކިޔުންތައް މި ހަފުތާގެ ތެރޭ އެ ރަށު ކައުންސިލާ ހަވާލުކުރައްވާނެ ކަމަށް ވިދާޅުވެފަ އެވެ.

މާއްޑޫ މިއަދު އޭދަފުށީގެ ބައެއްގެ ގޮތުގައި ހަމަޖެއްސި އިރު، 29.6 ހެކްޓަރުގެ މާއްޑޫއަކީ 28 ޖުލައި 2013 އިން ފެށިގެން އޭދަފުށީ ކައުންސިލާ ހަވާލުކޮށްފައި އޮންނަ ރަށެކެވެ.