އައްޑޫ އިކުއެޓޯރިއަލް ހޮސްޕިޓަލް (އޭއީއެޗް)ގެ ސީއީއޯގެ މަގާމަށް އެތެރެހަށީގެ ހާއްސަ ޑޮކްޓަރު، ޑރ. އިބްރާހިމް ޔާސިރު އަހުމަދު ސަރުކާރުން ހަމަޖައްސައިފި އެވެ.
އޭއީއެޗް އިން ވަނީ މި މަހުގެ ހަތަރު ވަނަ ދުވަހުން ފެށިގެން އެ ހޮސްޕިޓަލްގެ ސީއީއޯގެ މަގާމަށް ޑރ. ޔާސިރު ހަމަޖައްސާފައިވާކަން ސޯޝަލް މީޑިއާގައި މިއަދު އިއުލާންކޮށްފަ އެވެ.
ސިއްހީ ދާއިރާއަށް ހިދުމަތްކުރައްވާތާ 25 އަހަރަށްވުރެ ގިނަ ދުވަސްވެފައިވާ ޑރ. ޔާސިރަކީ ހެލްތު ސާވިސަސްގެ ޑިރެކްޓަރު ޖެނެރަލްކަމާއި އައިޖީއެމްއެޗްގެ މެޑިކަލް އެޑްމިނިސްޓްރޭޝަންގެ ޑެޕިއުޓީ ޑިރެކްޓަރުކަމުގެ މަގާމުވެސް އަދާކުރައްވާފައިވާ ބޭފުޅެކެވެ. އޭނާއަކީ މިހާރު ވެސް މާލެ ސިޓީ ގްރޫޕް އޮފް ހޮސްޕިޓަލްސްގެ ގަވާނިން ބޯޑުގެ މެންބަރެކެވެ.
ޑރ. ޔާސިރު ވަނީ އެތެރެހަށީގެ ބަލިތަކާ ގުޅޭ ކޮންސަލްޓަންޓެއްގެ ގޮތުގައި ގައުމީ ދިފާއީ ބާރުގެ ހޮސްޕިޓަލް، ސެނެހިޔާއާއި މެޑިކާ ހޮސްޕިޓަލް އަދި ދި ކްލިނިކުގައި މަސައްކަތްކުރައްވައިފަ އެވެ.
އޭއީއެޗްގެ ސީއީއޯގެ މަގާމުގައި މީގެ ކުރިން ހުންނެވީ ރާއްޖޭގެ މަޝްހޫރު ސާޖަން ޑރ. މުހައްމަދު ސޯލިހެވެ.
ގުޅުންހުރި
ތިނަދޫގެ ސިޓީގެ ދަރަޖަ ބާތިލުކުރަން ހުށަހެޅި ރާގިބު، ޑެޕިއުޓީ މިނިސްޓަރު ކަމުން
ކުރީ އެއް ތުހުމަތުތަކެއް؛ އެކަމަކު މަޖިލީހުން ވަކިކުރީ ނަޝާތުއާއި އާސިފް، ޒާހިރު
ރައީސް މުއިއްޒަށް ތުހުމަތުވާ ކޮރަޕްޝަންގެ ވާހަކަ ދެއްކުމުން މަޖިލިސް ރައީސް އެންގެވީ
އޭސީސީ އާއި އީސީގެ ރައީސާއި ނައިބު ރައީސް އައްޔަންކުރުމުގެ ބާރު ރައީސަށް
އާބާދީގައި 10،000 ހަމަކުރީ އޮޅުވާލައިގެން ކަމަށްބުނެ ތިނަދޫގެ ސިޓީގެ ދަރަޖަ ބާތިލުކުރަން
ވޯލްޑް ލީޑިން ޑެސްޓިނޭޝަންގެ އެވޯޑް ޖެހިޖެހިގެން ފަސްވަނަ ފަހަރަށް ރާއްޖެއަން