ސްޓޭޓް ޓްރޭޑިން އޯގަނިޒޭޝަން (އެސްޓީއޯ)ގެ ޑިރެކްޓަރުންގެ ބޯޑުގައި އާންމު ހިއްސާދާރުންގެ ފަރާތުން އިންތިހާބުކުރާ ޑިރެކްޓަރުގެ މަގާމަށް ކުރިމަތިލުމުގެ ފުރުސަތު ހުޅުވާލައިފި އެވެ.
އެސްޓީއޯ އިން އިއްޔެ ކުރި އިއުލާނެއްގައި ބުނީ، އެ ކުންފުނީގެ ޑިރެކްޓަރުންގެ ބޯޑަށް އިންތިހާބުކުރާ ހުރިހާ ޑިރެކްޓަރުންނަކީ ވެސް ވިޔަފާރިއާއި ހިންގުމުގެ ދާއިރާއިން އެކަށީގެންވާ ތައުލީމާއި ތަޖުރިބާ ލިބިފައިވާ ފަރާތްތަކަކަށް ވުމަށް ބާރުއަޅާ ކަމަށެވެ. އަދި އެ ކުންފުނީގެ ބޯޑަށް ވީހާވެސް ގިނަ އަންހެން ބޭފުޅުން ޝައުގުވެރިކަން ފާޅުކުރެއްވުމާއި އިންތިހާބުގައި ވާދަކުރުމަކީ ކުންފުނިން ބާރުއަޅާ ކަމެއް ކަމަށްވެސް ބުނެފައިވެ އެވެ.
އެސްޓީއޯގެ އާންމު ހިއްސާ ދާރުންގެ ފަރާތުން އިންތިހާބުކުރާ ޑިރެކްޓަރުކަމަށް ކުރިމަތިލުމުގެ ޝަރުތުތައް އެ ކުންފުނީގެ އިއުލާނުގައި ވަނީ ހިމަނައިފަ އެވެ. އެ މަގާމަށް ހުށަހެޅުމުގެ އެންމެ ފަހު ތާރީހަކީ 8 އޭޕްރީލް 2024ވާ ހޯމަ ދުވަހުގެ މެންދުރުފަހު 2:00 އެވެ. އެކަމަށް އެދި ހުށަހަޅަން ޖެހެނީ cs@sto.mv އަށެވެ.
އެސްޓީއޯގެ އާންމު ހިއްސާދާރުން ތަމްސީލުކުރާ ޑިރެކްޓަރު ހޮވުމަށް ހަމަޖެހިފައިވަނީ އަހަރީ އާންމު ޖަލްސާގައި ހިއްސާދާރުންގެ މެދުގައި ނަގާ ވޯޓަކުންނެވެ.

ގުޅުންހުރި
އެމްޑަބްލިޔުއެސްސީން ކުމުންދޫގައި ގާއިމުކުރި ފެނާއި ނަރުދަމާގެ ނިޒާމު އިފުތިތާހުކޮށްފި
ކުޅުދުއްފުށި ޕޯޓުން އިތުރު މުހިންމު ހިދުމަތްތައް ދޭން ފަށައިފި, ވިޔަފާރިތަކަށް ލުއިވާނެ!
ސެންޓްރަލައިޒްޑް އެލްޕީޖީ: ސްމާޓް ނިޒާމެއް, ރައްކާތެރިކަން ޔަގީންވެ, ފައިދާ ބޮޑު!
އެސްޓީއޯގެ ޑެވޮންޑޭލް ޕްރޮމޯޝަން މުޅި ރާއްޖެއަށް، އެއްވަނަ އިނާމަކަށް 50،000ރ.
އަގުބޮޑު އިނާމް ތަކާއި އެކު އެސްޓީއޯ ”މެގަ ސޭލް ޕްރޮމޯޝަން“ ފަށައިފި
އިޒްރޭލުން ގޭސް ގަންނަން މިސްރުން އެއްބަސްވެއްޖެ، އަގު 35 ބިލިއަން ޑޮލަރު!