ހަފްތާ ބަދިގެ: ޓޫނާ ޓްރެއިންގަލްސް

ބޭނުންވާ ތަކެތި:

• 2 ދަޅު މަސް
• 1 ފިޔާ (ކުދިކޮށް ކޮށާފައި)
• 3 ލޮނުމެދު (ހިމުންކޮށްލާފައި)
• މިރުހުގެ ފަޅިއެއް
• ހިކަނދިފަތް
• 3/4 ޖޯޑް ފެހި، ރަތް، ރީނދޫ ބެލްޕެޕަރ
• 4 މޭޒުމަތީ ސަމުސާ ޗިލީ ސޯސް
• ½ މޭޒުމަތީ ސަމުސާ ޓޮމާޓޯ ޕޭސްޓް
• 3 މޭޒުމަތީ ސަމުސާ ކުރީމް ޗީޒް
• 2 މޭޒުމަތީ ސަމުސާ ދިޔާ ކިރު
• ޕާން ފޮތި
• ރަހަލާ ވަރަށް ލޮނު

ކުރަމްބް ކޮޅު ހަދާލުމަށް:

• ½ ޖޯޑު ކިރު
• 3 ބިސް
• 1 ޖޯޑު ބްރެޑް ކްރަމްބްސް

ތައްޔާރުކުރާނެ ގޮތް:

މަސްދަޅުގެ ތެޔޮކޮޅު ތަވަޔަށް އަޅާލާށެވެ. ދެން ފިޔާ، ލޮނުމެދު އަދި ހިނކަދިފަތް ކޮޅު ތެޔޮކޮޅުގައި ރަތްކޮށްލާށެވެ. ދެން މީގެ ތެރެއަށް ބެލްޕެޕާ އަދި މިރުސްކޮޅު އަޅާލާށެވެ. އެއަށްފަހު މަސްދަޅު، ލޮނު، ޗިލީ ސޯސް އަދި ޓޮމާޓޯ ޕޭސްޓް އަޅައި އެއްކޮށްލާށެވެ. ދެން 5 މިނެޓް ވަންދެން ބެހެއްޓުމަށްފަހު މީގެ ތެރެއަށް ކްރީމް ޗީޒް އަދި ކިރުކޮޅު އަޅައި އެއްކޮށްލާށެވެ.

ޕާން ފޮއްޗެއް ނެގުމަށްފަހު މި ފޮތީ ދަމާލައި ޕާންފޮތީގެ ކައިރިތައް ކަފާލާށެވެ. ދެން ޓޫނާ މިކްސް ކޮޅު އަޅާލުމަށްފަހު ޕާން ފޮތި ވަށައިގެން ފެން ހާކައިލުމަށްފަހު ތިނެސްކަން ބައްޓަމަށް ތަތްކޮށްލާށެވެ. ދެން މި ތިނެސްކަން ނެގުމަށްފަހު ބިސް މިކްސްއަށް ލުމަށްފަހު ބްރެޑް ކުރަމްބްސްއަށް ލާށެވެ. އެއަށްފަހު މި ތިނެސްކަންތައް މަޑު ގިނީގައި ރަތްމުށިކުލަ އަރަންދެން ތެލުލާށެވެ.