މާލޭގެ ހުރިހާ މަގުތަކެއް ޗައިނާ ސަރުކާރުގެ ހިލޭ އެހީގެ ދަށުން ހަދައިދިނުމަށް ވަނީ ހަމަޖެހިފައިކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
މިއަހަރު ބާއްވާ ރައްޔިތުންގެ މަޖިލީހުގެ އިންތިހާބުގައި މައްޗަންގޮޅީ މެދު ދާއިރާއަށް ވާދަ ކުރައްވާ މާލެ ސިޓީ ކައުންސިލްގެ މެންބަރު އަހްމަދު ޒަމީރުގެ ކެމްޕެއިން ޖަލްސާގައި މިރޭ ވާހަކަފުޅު ދައްކަވަމުން ރައީސް ވިދާޅުވީ ކުރީ ސަރުކާރުން ވަނީ މާލޭގެ މަގުތައް ހެދުމުގެ މަޝްރޫއެއް ފަށާފައި ކަމަށެވެ. ނަމަވެސް އެ ސަރުކާރުން ވަނީ އެ މަޝްރޫއުގެ މަސައްކަތް ހުއްޓާލާފައި ކަމަށެވެ. މާލޭގެ މޭޔަރު ކަމަށް އެމަނިކުފާނު އިންތިހާބު ވުމުން އޭރު ހިނގަމުން އައި މަޝްރޫއު ކެންސަލް ކުރީ ކައުންސިލާއި އެއްވެސް މަޝްވަރާއެއް ކުރުމެއްނެތިކަމަށް ރައީސް ވިދާޅުވިއެވެ.
މަގުތަކުގެ މައްސަލައަކީ މާލެއަށް ދިމާވެފައި އޮތް ބޮޑު މައްސަލައެ ކަމަށާއި އެހެންވެ މަގުތައް ހެދުމުގެ މަސައްކަތް މޭޔަރުގެ މަގާމުގައި ހުންނަވައިގެން ކުރިއަށް ގެންދެވޭތޯ ބެއްލެވި ކަމަށެވެ.އެ މަސައްކަތް ކުރިއަށް ގެންދެވިފައިނުވާ ކަމަށާއި ނަމަވެސް މިހާރު ޗައިނާގެ އެހީގައި އެ މަސައްކަތް ކުރިއަށް ގެންދެވޭނެ ގޮތް ހަމަޖެހިފައިވާކަމަށް އެ މަނިކުފާނު ވިދާޅުވިއެވެ.
”ވަރަށް އުފުލާ އެކީގައި ދަންނަވާލަން ބޭނުން ޗައިނާ ސަރުކާރުން ހިލޭ އެހީ ގައި މުޅި މާލެ ސިޓީގެ ހުރިހާ މަގެއް ހަދާ ގޮތަށް ވަނީ ހަމަޖެހިފައި،“ ރައީސް ވިދާޅުވިއެވެ.
ޗައިނާގެ ކަމާބެހޭ ޓީމެއް މިހާރު ރާއްޖެއަށް އައިސްފައިވާ ކަމަށް ރައީސް ވިދާޅުވިއެވެ.
މިހާރު ކުރިއަށްދަނީ ފަންނީ މަސައްކަތްތައް ކަމަށް ވިދާޅުވެ އެ މަސައްކަތް ނިމުމުން އަމަލީ މަސައްކަތް ވަރަށް އަވަހަށް ފެށިގެންދާނެކަމަށް ރައީސް ވިދާޅުވިއެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ރައީސް މުއިއްޒަށް ސިހުރު ހެދި ކަމަށް ފުލުހުން ބުނާ ސިހުރުވެރިޔާ ދޫކޮށްލައިފި
ޝަމްނާޒާ ދެކޮޅަށް ސިހުރުގެ މައްސަލަ ހުށަހެޅީ ރައީސްގެ ފަރާތްޕުޅަކުން ނޫން: ސަރުކާރު
ބަކާ ނިޔާވުމަކީ ދިވެހި ހުރިހާ ރައްޔިތުންނަށް ލިބުނު ފުން ހިތާމެއް: ރައީސް
ހަރަދު ކުޑަކުރުމާއި އާމްދަނީ އިތުރުކުރުމުގެ ސިޔާސަތެއް އެކުލަވާލަނީ
އީޔޫ އިން ދޭ ފުރުސަތުތައް ރާއްޖެއަށް ހޯދަން ސަމޯއާ އެގްރިމަންޓުގައި ބައިވެރިވާން
ހައްޖުގެ ފުރިހަމަ އިންތިޒާާމުތަކަށް ރައީސް މުއިއްޒު ސައުދީއަށް ޝުކުރު އަދާކުރައްވައިފި