މިމަހުގެ 21 ގައި ބާއްވާ ރައްޔިތުންގެ މަޖިލީހުގެ އިންތިހާބުގައި ސަރުކާރު ކޯލިޝަންގެ ފަރާތުން ހޯރަފުށި ދާއިރާއަށް ވާދަކުރައްވާ ކެންޑިޑޭޓާ ދެކޮޅަށް ހޯރަފުށި ކައުންސިލުން ދަނީ އެންޓި ކެމްޕެއިން ކުރަމުންކަމަށް ޕީއެންސީން ބުނެފިއެވެ.
ޕީއެންސީން މިއަދު ނެރުނު ނޫސްބަޔާނެއްގައި ބުނީ ރައްޔިތުންގެ މަޖިލީހުގެ އިންތިހާބަށް ނުފޫޒު ފޯރުވުމަށް ހޯރަފުށީ ކައުންސިލުން ހިންގަމުންދާ ކަންތައްތައް ކުށްވެރިކުރާ ކަމަށެވެ. މިވަގުތު ހޯރަފުށީ ކައުންސިލްގެ އަމާޒު ހުރީ ގާނޫނުން އެކައުންސިލާއި މަތިކޮށްފައިވާ ޒިންމާ އަދާކުރުމަށްވުރެ ބޮޑަށް، ރަސްމީގަޑީގައާއި ނުރަސްމީ ގަޑީގައިވެސް އިދިކޮޅު ކެންޑިޑޭޓްގެ ކެޕްމެއިން ކުރުމަށްކަމަށް ޕީއެންސީން ބުންޏެވެ.
”އެހެންކަމުން ގާނޫނުތަކުގައި ކަނޑައެޅިފައިވާ ހުދޫދުގެ ތެރޭގައި ކެމްޕެއިން ކުރުމަށް މި ކޯލިޝަނުން ހޯރަފުށި ކައުންސިލް މެންމަބަރުންނަށް ގޮވާލަމެވެ. އަދި ދައުލަތުގެ ވަސީލަތްތައް ނަހަމަ ގޮތުގައި ބޭނުންކުރަމުންދާ މައްސަލަ ކަމާބެހޭ މުއައްސަސާތަކުން ބަލާ ތަހުގީގުކުރުމަށްވެސް މި ކޯލިޝަނުން ގޮވާލަމަވެ“ ޕީއެންސީން ބުންޏެވެ.
މަޖިލިސް އިންތިހާބާ ދިމާކޮށް ހޯރަފުށިން ގޯތި ދިނުމާއި ގޯތި ބޮޑުކޮށް ދިނުންފަދަ ކަންކަން ކުރަމުންދާކަމުގެ މައުލޫމާތު ލިބެމުންދާކަމަށް ޕީއެންސީން ބުންޏެވެ. އެއީ ކަނޑައެޅިގެން އިންތިހާބުތަކާބެހޭ ގާނޫނާވެސް ހިލާފު ކަމެއްކަމަށް ޕީއެންސީން ބުންޏެވެ
ގުޅުންހުރި
އެމްޑީޕީ މީހުންނަކީ ކާފަރުން ކަމަށް ބުނަން ފެށީ ދީނީ ގޮތުން ފިތުނަ
ވިހި ބިލެއްގެ މަސައްކަތް ނިންމާލުމަށްފަހު މަޖިލިސް ޗުއްޓީއަށް ހިނގައްޖެ
ބްރޯޑްކޮމްއަށް 12 ބޭފުޅެއްގެ ނަން، ރައީސްގެ ލިސްޓުގެ ކުރީގައި މުހައްމާ އަދި
ބަދަލުދިން މައްސަަލައިގައި އިބޫ އަދި ފައްޔާޒަށް ދައުވާކޮށްދޭން ފޮނުވުމަށް ކޮމިޓީން ފާސްކޮށްފި
މަޓީން އެދުމުން ބޭރު ފައިސާގެ ބިލުގެ ކޮމެޓީ ސިއްރުކޮށްފި
މެންބަރެއްގެ ގޮނޑި ގެއްލުވާލައިފި ނަމަ، އަލުން އިންތިހާބު ކުރަން އެމްޑީޕީން އެހީވަނީ