ކުރީގެ ރައީސް އަބްދުﷲ ޔާމީން މިނިވަން ނުކުރެއްވުމަށާއި އެކަން ކުރައްވާނީ އެ މަނިކުފާނު ކަމަށް ކުރީގެ ރައީސް އިބްރާހިމް މުހައްމަދު ސޯލިހުގެ އަރިހުގައި މިހާރުގެ ރައީސް ޑރ. މުހައްމަދު މުއިއްޒު ދެންނެވި ކަމަށް ޕީޕަލްސް ނެޝަނަލް ފްރަންޓް (ޕީއެންއެފް)ގެ ސެކްރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެ އެވެ.
ވ. އާރަށް ކުއްޔަށް ދޫކުރުމުގައި ރިޝްވަތު ނަންގަވައި، އެ ފައިސާ ލޯންޑަކުރެއްވި ކަމުގެ ތުހުމަތުގައި 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ޔާމީން މާފުށީ ޖަލުގައި ހުންނަވަނިކޮށް، ގެއަށް ބަދަލުކުރެއްވީ ސޯލިހެވެ. އެކަން އެ މަނިކުފާނު ކުރެއްވީ ރިޔާސީ އިންތިހާބު މިހާރު ރައީސް މުއިއްޒު ކާމިޔާބު ކުރެއްވުމާއެކު އެވެ.
ޕީއެންއެފުން ރޭ ބެއްވި ޖަގަހަ ޖަލްސާގައި ވާހަކަ ދައްކަވަމުން ކުރީގެ މިނިސްޓަރު މަލީހު ވިދާޅުވީ، އިންތިގާލީ މަރުހަލާގައި ރައީސް މުއިއްޒު، ޔާމީން މިނިވަން ނުކުރަން ސޯލިހުގެ އަރިހުގައި އެދިފައި ކަމަށާއި އެކަން 1 އޮކްޓޯބަރ 2023ގެ ކެބިނެޓު ބައްދަލުވުމުގެ ޔައުމިއްޔާއިން ހާމަވާނެ ކަމަށެވެ.
”ރައީސް މުއިއްޒު އިންތިހާބުވީ 30 ސެޕްޓެމްބަރުގައި، އެކެއް އޮކްޓޯބަރުގައި ބޭއްވި ކެނިބެޓު ބައްދަލުވުމުގައި އިބްރާހިމު މުހައްމަދު ސޯލިހު ވިދާޅުވި މުއިއްޒު ވިދާޅުވިއޭ ރައީސް ޔާމީން މިނިވަން ނުކޮށް ބަހައްޓާށޭ. ތިމަންނާ އައިއްސައޭ މިނިވަން ކުރާނީ. މިކަން އޮންނާނެ ޔައުމިއްޔާއިން ފެންނަން. ބައްލަވާ މިހާރުވެސް،“ މަލީހު ވިދާޅުވި އެވެ.
އޭނާ ވަނީ އެ ޔައުމިއްޔާ ރައްޔިތުންނާ ހަމައަށް ތިލަކޮށްދޭން ރައީސް މުއިއްޒަށާއި ރައީސް އޮފީހުގައި މިހާރު ތިއްބެވި ބޭފުޅުންނަށް ގޮވާލައްވައިފަ އެވެ.
ގުޅުންހުރި
ޝަރުއީ ދާއިރާއަށް ކުރިމަތިވަމުން އައި ހުރަސްތައް ހިރާސްތަކަކަށް ބަދަލުވެއްޖެ: އުއްތަމަ ފަނޑިޔާރު
ގްރީނަށް ޖޫރިމަނާއަކާއެކު ފިޔަވަޅު އަޅައިފި، ވެލެންސިއާއިން ނިންމުން ބަލައެއް ނުގަތް
މަރުވި ދެ ގައިދީންގެ ޕޯސްޓްމޯޓަމް ހަދަނީ
ސީރިއާއަށް ދަތުރުުކުރުން ހުއްދަކޮށް، ޓެރަރިސްޓް ލިސްޓުން އެޗްޓީއެސްގެ ނަން އުނިކޮށްފި
މަރުގެ މައްސަލައިގައި ހައްޔަރުކުރި ލަންކާ މީހާ ފިލައިގެން ދާން އުޅުނުކަމުގެ ތުހުމަތު
ބޭބީބަޔޯ ފޯމިއުލާގައި ވިހަ މާއްދާއެއް، ރާއްޖެއަށް އެތެރެކުރުމާއި ވިއްކުން މަަނާކޮށްފި