ވ. ތިނަދޫ ބަނދަރު ހެދުމުގެ މަޝްރޫއުގެ އަމަލީ މަސައްކަތް ފަށަން ތައްޔާރުވެއްޖެ

ވ. ތިނަދޫ ބަނދަރު ހެދުމުގެ މަޝްރޫއުގެ އަމަލީ މަސައްކަތް ފެށުމަށްޓަކައި އިއްޔެ ޕްރޮޖެކްޓް ސައިޓް މޮބިލައިޒް ކޮށްފައިވާ ކަމަށް އެ މަޝްރޫއުގެ ކޮންޓްރެކްޓަރު، އެމްޓީސީސީ އިން ބުނެފި އެވެ.

ތިނަދޫ ބަނދަރު ތަރައްގީ ކުރުމުގެ މަޝްރޫއުއަކީ މިދިޔަ ސަރުކާރުގައި 11 އޭޕްރިލް 2023ގައި އެމްޓީސީސީއާ ހަވާލުކޮށްފައިވާ މަޝްރޫއެކެވެ.

ޖުމުލަ 40.57 މިލިއަން ރުފިޔާގެ މި މަޝްރޫއުގެ ދަށުން ކުރަންޖެހޭ މަސައްކަތްތަކަކީ:

• 12,800 ކިއުބިކް މީޓަރުގެ ސަރަހައްދެއްގެ އާ ހާބަރު ބޭސިން ފުންކުރުން
• 860 ކިއުބިކް މީޓަރުގެ ސަރަހައްދެއްގެ ނެރު ފުންކުރުން
• 77 މީޓަރުގެ ބޭރުތޮއްޓެއް ލުން
• 482 މީޓަރުގެ ރިވެޓްމެންޓް ޖެހުން
• 66 މީޓަރުގެ އެއްގަމުތޮއްޓެއް ލުން
• 1847 އަކަ މީޓަރުގެ ހާބަރު ޕޭވްމަންޓް ޖެހުން
• 16 މީޓަރު ދިގު 6 މީޓަރު ފުޅާ ބްރިޖެއް ހެދުން
• 10 މީޓަރު ދިގު 9 މީޓަރު ފުޅާ ރޭމްޕެއް ހެދުން
• ބަނދަރު ބައްތި އާއި މޫރިން ބޯއީސް ހަރުކުރުން