ރައީސް އޮފީހުގެ ތަރުޖަމާނުގެ މަގާމަށް ނޭޝަނަލް ސޯޝަން ޕްރޮޓެކްޝަން އެޖެންސީ (އެންސްޕާ)ގެ ސީއީއޯއަކަށް ހުންނެވި ހީނާ ވަލީދު އައްޔަން ކުރައްވައިފިއެވެ.
ރައީސް އޮފީހުން މިއަދު ބުނީ ހީނާ އެ މަގާމަށް އައްޔަންކުރެއްވީ މިއަދު ކަމަށެވެ. ރައީސް އޮފީހުން ބުނީ ތަރުޖަމާނުގެ މަގާމަށް ހީނާ އައްޔަންކުރައްވާފައިވަނީ، އެކަމަނާ މިހާރު ހުންނެވި އެންސްޕާގެ ސީއީއޯގެ މަގާމު އަދާކުރައްވަމުން ގެންދަވާގޮތަށެވެ. އަދި ރައީސް އޮފީހުގެ ތަރުޖަމާނުގެ ގޮތުގައި ހީނާ މަސައްކަތް ކުރައްވަނީ މުސާރަ ނުނަންގަވާ މަގާމެއްގެ ގޮތުގައި ކަމަށެވެ.
މިއީ ރައީސް އޮފީހުގެ ތަރުޖަމާނުގެ އަންހެން ބޭފުޅަކު އައްޔަންކުރެއްވި ފުރަތަމަ ފަހަރެވެ.
ހީނާ ވަނީދައުލަތުގެ މީޑިއާ ޕީއެސްއެމްގެ ހެޑް އޮފް ނިއުސްގެ މަގާމު ވެސް އަދާކުރައްވައިފައެވެ. އަދި އޭނާއަކީ ވެރިކަން ކުރަމުންދާ ޕީޕީއެމް/ޕީއެންސީގެ ޗީފް ސްޕޯކްސް ޕާސަންއެވެ.
ކުރީގެރައީސް އަބްދުﷲ ޔާމީންގެ ވެރިކަމުގައި ހީނާ ވަނީ ފޮރިން މިނިސްޓްރީގެ ޕޮލިޓިކަލް ޑިރެކްޓަރުގެ މަގާމު އަދާކުރައްވައިފައެވެ.
ހީނާ ވަނީ މާސް ކޮމިއުނިކޭޝަން ޖާނަލިޒަމް އެންޑް އެޑްވަޓައިސްމަންޓްގެ ދާއިރާއިން މަތީ ތައުލީމު ހާސިލު ކުރައްވައިފައެވެ.
ގުޅުންހުރި
ރައީސާއި ޖައިޝަންކަރާ ބައްދަލު ކުރައްވައިފި، ފުޅާ ދާއިރާއެއްގައި މަޝްވަރާ ކުރެއްވި
ފުރަމާނަ ދަތުރުފުޅެއްގައި ރައީސްގެ ދެކަނބަލުން އިންޑިއާއަށް ފުރާވަޑައިގެންފި
ދިވެހިން ތިބޭނީ ފަލަސްތީނާއެކު، އެއްބާރުލުމާއި އެހީތެރިކަން ދޭނަން: ރައީސް
ސައުދީން ރައީސަށް ދިން ޔަގީންކަން: ރާއްޖެއަށް ދޭ އެހީތެރިކަން އެގޮތުގައި ކުރިއަށް
އޮމާންގެ ހާރިޖީ ވަޒީރަށް ރައީސް ހުށަހެޅުއްވީ އެހީތެރިކަން ބޭނުންވާ ކަންކަމުގެ ލިސްޓެއް
10 ދުވަސް ތެރޭގައި ކުންފުނިތަކަށް ޑިރެކްޓަރުން އައްޔަންކުރުން ލާޒިމުކޮށްފި