އެސްޓީއޯ އިން ޔޫއޭއީގައި އެންމެ މަގުބޫލު އެއް ސިމެންތި، ޕަޔަނިއާގެ ހާއްސަ ޕްރޮމޯޝަނެއް

ރާއްޖޭގައި ކޮންސްޓްރަކްޝަންގެ ސާމާނު އެންމެ ފުޅާ ދާއިރާއެއްގައި އެތެރެކޮށް ވިއްކަމުން އަންނަ، އެސްޓީއޯ ކޮންސްޓްރަކްޝަން ސޮލިއުޝަންސް އިން ’ޕަޔަނިއާ‘ ބްރޭންޑްގެ ސިމެންތީގެ ހާއްސަ ޕްރޮމޯޝަނެއް ފަށައިފި އެވެ.

އަންނެ މެއި މަހުގެ 31 ވަނަ ދުވަހުގެ ނިޔަލަށް ކުރިއަށް ގެންދާ އެ ޕްރޮމޯޝަންގައި ގަންނަ ’ޕަޔަނިއާ‘ ބްރޭންޑްގެ 50 ކިލޯގެ ސިމެންތި ބަސްތާ އެއް، ޖީއެސްޓީއެއް ނުހިމަނައި، 90 ރުފިޔާ އަށް ލިބިގެން ދާނެ އެވެ. އެއީ އާންމު އަގުންނަމަ 108 ރުފިޔާ އަށް ވިއްކަމުން އައި ސިމެންތި ބަސްތާ އެކެވެ.

މީގެ އިތުރުން 1500 ރުފިޔާއަށް ވުރެ މަތިން ވިޔަފާރި ކުރާ ކޮންމެ ފަރާތަކަށްވެސް ލޯޑް ކުރުމަށް ހުއްދަ ދީފައިވާ ސަރަހައްދުތަކަށް ހިލޭ ޑެލިވެރީ ކޮށްދެވޭނެ އެވެ.

އެސްޓީއޯ އިން ބުނީ، އެ ޕްރޮމޯޝަނުން ލިބިގެންދާ ހާއްސަ އަގުގެ ސަބަބުން އިމާރާތް ކުރުމުގެ ދާއިރާގައި ހިމެނޭ ކޮންޓްރެކްޓަރުންނާއި އަތޮޅު ތެރޭގައި ސިމެންތި ވިއްކާ ފަރާތްތަކާއި އަދި އާއްމު ފަރުދުންނަށްވެސް ބޮޑެތި ލުއި ފަސޭހަތަކެއް ލިބިގެންދާނެ ކަމަށެވެ.

ޕަޔަނިއާ ސިމެންތި އަކީ ޔޫއޭއީގައި އެންމެ މަގުބޫލު އެއް ސިމެންތި ބްރޭންޑެވެ. މި ސިމެންތި އަކީ 5N ،BS EN 197-1:2011 CEM ގްރޭޑްގެ އޯޕީސީ ސިމެންތި އެކެވެ.