ފާމަސީއަކުން ވައްކަންކުރި މައްސަލައެއް ފުލުހުން ބަލަން ފަށައިފި

މާލޭ، ފާމަސީއަކުން ވައްކަންކުރި މައްސަލައެއް ފުލުހުން ބަލަން ފަށައިފިއެވެ.

ފުލުހުން މިއަދު ބުނީ ވައްކަން ކޮށްފައިވަނީ އަބަފަށްފެހި މަގުގައި ހުންނަ ފާމަސީއަކުން ކަމަށާއި އެ ވައްކަމުގެ ރިޕޯޓު ފުލުހުންނަށް ހުށަހަޅާފައިވަނީ މިއަދު 8:30 އެހާކަންހާއިރު ކަމަށެވެ.

ފާމަސީން ވައްކަންކުރި މައްސަލައާ ގުޅިގެން މީހަކު ހައްޔަރު ކޮށްފައިނުވާ ކަމަށް ފުލުހުން ބުންޏެވެ.

މީގެ އިތުރުން ފުލުހުން ބުނީ މިއަދު 7:54 އެހާކަންހާއިރު އަބަދަށްފެހި މަގުގައި ހުންނަ ”ނިއު ލައިން“ ފިހާރައިން ވައްކަންކޮށްފައިވާ ކަމުގެ ރިޕޯޓު ލިބިފައިވާ ކަމަށެވެ.

”ނިއު ލައިން“ ފިހާރައިން ވައްކަންކުރި މައްސަލަ ވެސް ބަލަމުންދާ ކަމަށާއި އަދި މީހަކު ހައްޔަރު ކޮށްފައިނުވާ ކަމަށް ފުލުހުން ބުންޏެވެ.