ރަސްމީ ދަތުރުފުޅެއްގައި ފޮރިން މިނިސްޓަރު މޫސާ ޒަމީރު ގަތަރުގެ ދޯހާއަށް ރޭ ވަޑައިގެންފި އެވެ.
ޒަމީރު އެކްސްގައި ކުރެއްވި ޕޯސްޓެއްގައި ވިދާޅުވީ، އެ ދަތުރުގައި ގަތަރުގެ ބޮޑުވަޒީރު އަދި ފޮރިން މިނިސްޓަރު ޝައިހް މުހައްމަދު ބިން އަބްދުއްރަހުމާން ބިން ޖާސިމް އަލްސާނީއާ ބައްދަލު ކުރައްވައި ރާއްޖެއަށް ފައިދާ ހުރި މަޝްވަރާތަކެއް ކުރެއްވުމަށް އުންމީދު ކުރައްވާ ކަމަށެވެ.
ފޮރިން މިނިސްޓްރީން ބުނީ، މިނިސްޓަރުގެ ދަތުރުގައި ގަތަރު ސަރުކާރުގެ އިސް އޮފިޝަލުންނާ ބައްދަލުކުރައްވައި، ދެ ގައުމުގެ ދޭތެރޭގައި ތަފާތު ދާއިރާތަކުން ގުޅުން ބަދަހިކުރެވޭނެ ފުރުސަތުތައް ބައްލަވާނެ ކަމަށެވެ.
ޒަމީރުގެ ގަތަރަށް ވަޑައިގެންފައި މި ވަނީ، އިންޑިއާއަށް ކުރެއްވި ރަސްމީ ދަތުރަށްފަހު އެވެ. އެއީ ފޮރިން މިނިސްޓަރުގެ ހައިސިއްޔަތުން ޒަމީރު ރާއްޖެއިން ބޭރަށް ކުރެއްވި ފުރަތަމަ ރަސްމީ ދަތުރެވެ.
އެ ދަތުރުގައި އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. ސުބުރަމާނިޔަމް ޖައިޝަންކަރުއާ ޒަމީރު ވަނީ ބައްދަލުކުރައްވައިފަ އެވެ. އަދި އިންޑިއާ އިން ދީފައިވާ ލޯނުތަކަށް ލުއި ގޮތް ހައްދަވައި ދެއްވުމަށާއި އިތުރު ލޯނު ދެއްވުމަށް އެދިވަޑައިގެންފައިވެ އެވެ.

ގުޅުންހުރި
މީޑިއާގެ ބިލުގައި ދިފާއުގައި ހައްނާން ދީނީ ކާޑު ނަންގަވައިފި
ގާނޫނޫ އޮތް ގޮތުގެ ސަބަބުން އޭޑީއެޗްޑީ ހުންނަ ކުދިންނަށް ބޭނުންވާބޭހެއް އެތެރެ
މި ސަރުކާރު ވައްޓާލެވޭނެ ވަރުގެ ފަނިތައް ވިހާނީ ޕީއެންއެފްގެ ހާލުން: ޔާމީން
ނާޒިމްގެ އަނބިކަނބަލުން ސީއެސްސީއަށް އައްޔަންކުރަނި
އެސްޓީއޯ އާއި މަކިޓާގެ ގުޅުމަށް 25: މަކިޓާގެ ޕްރޮޑަކްޓްތަކުން 25 ޕަސެންޓް
އެމްޑީޕީގެ މަގުސަދަކީ މުއައްސަސާތަކައް އައްޔަން ކުރަން ފޮނުވާ މީހުންގެ އަބުރު ކަތިލުން: