ފަތުރުވެރިޔަކު ތުލުސްދޫއަށް ކުއްތާއެއް އެރުވުމަށްފަހު ދޫކޮށްލައިފި

ފަތުރުވެރިޔަކު ކ. ތުލުސްދޫއަށް ކުއްތާއެއް އެރުވުމަށްފަހު ދޫކޮށްލާ މަންޒަރު ފެންނަ ވީޑިއޯއެއް ސޯޝަލް މީޑިއާގައި އާންމުވެއްޖެ އެވެ.

އެ ވީޑިއޯގައި ފެންނަނީ އެ ކުއްތާ ގޮވައިގެން ފަތުރުވެރިޔާ ތުލުސްދޫއަށް ފޭބުމަށްފަހު ރަށަށް ކުއްތާ ދޫކޮށްލާ ތަނެވެ. އަދި ކުއްތާ ދުވެފައި ގޮތް ބަނދަރު މައްޗަށް ބޮޑުކަމުދާތަންވެސް ފެނެ އެވެ.

އެކަމާ ގުޅިގެން ފުލުހުން ބުނީ އެ ކުއްތާއަކީ ކ. ހިންމަފުށީ ބޭރުގައި އޮތް ޔޮޓެއްގައި ފަތުރުވެރިންތަކެއް ގެންގުޅުނު ކުއްތާއެއް ކަމަށެވެ. އަދި އެ ކުއްތާ ތުލުސްދޫއަށް ބޭލިކަމުގެ މައުލޫމާތު ލިބުމުން ފުލުހުން ހަރަކާތްތެރިވެ، ކުއްތާ އަނބުރާ ޔޮޓަށް ގެންގޮސްފައިވާ ކަމަށް ބުންޏެވެ