ފަލަސްތީނުގައި ހާލުގައި ޖެހިފައިވާ އިތުރު ކުއްޖަކު ސަލާމަތްކޮށް ރާއްޖެ ގެނެސްފި

ހިދުމަތް ޖަމިއްޔާ އިން ބުނި ގޮތުގައި ނަދާގެ ކިޔެވުމުގެ ހަރަދު ވެސް ދިވެހިން ދޭ އެހީ އިން ހަމަޖައްސައިދޭނެ އެވެ.

”މިއަދު ދިވެހި ރައްޔިތުންގެ ދީލަތި އެހީތެރިކަމުން ނަދާއަށް ތިޔަ ދައްކުވައި ދިނީ، އަހަރުމެން އެންމެންނަކީ ލޯތްބާއި އަޅާލުމާއި އޯގާތެރިކަމުގެ މައްޗަށް އެކުލެވިގެންވާ އެއްއުންމަތެއް ކަމެވެ. ނަދާއަށް މިއަދު މި ދޮންވެލި ގޮނޑުދޮށްތަކުގެ ހިމޭންކަމުން މަރުޙަބާ މިކިޔަނީ، އަޅުގަނޑުމެންގެ އަމިއްލަ ލޭހިނގާ އުޚްތަކަށް މަރްޙަބާ ކިޔާނެ ލޯތްބާއި އޯގާތެރިކަމާއި އެކުގައެވެ.“ ހިދުމަތް ޖަމިއްޔާގެ ފޭސްބުކް ޕޯސްޓެއްގައި ލިޔެފައިވެ އެވެ.

މީގެ ދުވަސްކޮޅެއް ކުރިން ފަލަސްތީނުގެ ގާޒާގެ އާއިލާއެއްވެސް ވަނީ ރާއްޖެ ގެނެސްފަ އެވެ. އިންޓަނޭޝަނަލް އެއިޑް ކެމްޕޭން (އޭއައިސީ) އަށް ދިވެހިން ދޭ އެހީގައި ރާއްޖެ ގެނައީ ރާއްޖޭގެ އިސްލާމިކް ޔުނިވަސިޓީގެ ޕްރޮފެސަރެއް ކަމަށްވާ ޑރ. ހަސަން އަލް ކުރުދީގެ އާއިލާގެ ފަސް މެމްބަރުންނެވެ.