ފުލުހުންގެ ސްޕޯކްސްޕާސަންގެ މަގާމު އަދާ ކުރައްވަމުންދާ ޗީފް ސުޕްރިޓެންޑެންޓް އޮފް ޕޮލިސް އަހުމަދު ޝިފާން އަދި ސެންޓްރަލް ޕޮލިސިން ކޮމާންޑުގެ ހެޑް ޗީފް ސުޕްރިޓެންޑެންޓް އޮފް ޕޮލިސް އަބްދުﷲ ޝަރީފް، އެސިސްޓެންޓް ކޮމިޝަނަރާ (އޭސީޕީ)ގެ މަގާމަށް ޕްރޮމޯޓް ކޮށްފި އެވެ.
އިސްކަންދަރު ކޮށީގައި މިއަދު ބޭއްވި ރަސްމިއްޔާތެއްގައި ޝިފާންއަށާއި ޝަރީފަށް، ޕްރޮމޯޝަން ލިބުނު ކަމުގެ ލިޔުން ހަވާލުކުރެއްވީ ހޯމް މިނިސްޓަރު އަލީ އިހުސާނެވެ.
އޭސީޕީގެ ރޭންކަކީ ފުލުހުންގެ މުއައްސަސާގެއިދާރީ ގޮތުންދެވޭ އެންމެ މަތީ ރޭންކެވެ. އެއަށްވުރެ މައްޗަށް ހުންނަ ޑެޕިއުޓީ ޕޮލިސް ކޮމިޝަނާ ރޭންކާއި ޕޮލިސް ކޮމިޝަނާ މަގާމަކީ އައްޔަންކުރައްވާ މަގާމުތަކެވެ.
ޝިފާންއަކީ ނޭޝަނަލް ކޮލެޖު އޮފް ޕޮލިސިން އެންޑް ލޯގެ ފުރަތަމަ އެގްޒެކެޓިވް ޑިރެކްޓަރެވެ. ޝިފާން ވަނީ ޑްރަގް އެންފޯސްމަންޓް ޑިޕާޓްމަންޓުގެ ހެޑްކަން އަދި އައްޑޫ ޕޮލިސް އެކަޑެމީ ހިންގުމުގައި ވެސް އިސް ދައުރެއް އަދާކުރައްވައިފަ އެވެ
ޝަރީފަކީ ސެންޓްރަލް ޕޮލިސިން އަދި މާލެ ސަރަހައްދުގެ ފްރޮންޓްލައިން ޕޮލިސިންގެ އިސްވެރިޔާ އެވެ. އޭނާ ވަނީ ފުލުހުންގެ ޑިޕާޓްމަންޓުތަކުގެ އިސްކޮށް މަސައްކަތްކުރައްވައި ކޮމާންޑަރުކަން ވެސް ކުރައްވައިފަ އެވެ.
ގުޅުންހުރި
ފިހާރައަކަށް ވެދެ ތޫނު ހަތިޔާރުން ހަމަލާދިން މީހަކު ޝަރީއަތް ނިމެންދެން ބަންދުކޮށްފި
ބަނދަރަށް ވަންނަން ވާދަޖެހި ކަމަށް ބުނާ ލޯންޗުތަކުގެ ކެޕްޓަނުން ލައިސަންސް ހިފަހައްޓައިފި
ބައްސާމްގެ އެޕާޓްމަންޓުގެ މައްސަލަ: އިއްޔެ ނިންމީ މުއްދަތު އިތުރު ކޮށްދޭން، މިއަދު
ވަޒީފާއަށް ފިލައިގެން އުޅުނު ކަމަށް ބުނެ ފުލުހަކު ވަކިކުރީ ގަވާއިދާހިލާފަށް: ހައި
އެޕާޓްމެންޓް ހަވާލުކޮށްފިނަމަ ދަރިންނާއެކު ވަންނާނެ ތަނެއް ނެތް: ބައްސާމް
ތަސްލީމް ހޯދަން އިންޓަޕޯލް ޔެލޯ ނޯޓިސް ނެރެފި