ގައިންގަޔަށް އަރާ ނުރައްކާތެރި ބައްޔެއް ކަމަށްވާ މެނިންގޯކޮކަލް ބަލި ރާއްޖެ އިން ފެނިއްޖެ އެވެ.
އެކަން މި ނޫހަށް ކަށަވަރުވި ނަމަވެސް، އެޗްޕީއޭ އިން އެކަން ކަށަވަރުކޮށެއް ނުދެ އެވެ. އަދި އެކަން ދޮގެއްވެސް ނުކުރެ އެވެ.
އެޗްޕީއޭގެ މީޑިއާ އޮފިޝަލުންނާ ތަކުރާރުކޮށް އެކަމާ ގުޅިގެން ސުވާލު ކުރުމުންވެސް ޖަވާބު ދީފައެއް ނުވެ އެވެ. ނަމަވެސް ހަފްތާ އަށް އެޗްޕީއޭ އިން މިއަދު ހަވީރު 4:44 ގައި ފޮނުވި މެސެޖެއްގައި ބުނީ އެކަމުގެ ތެދު މައުލޫމާތާއެކު ވަރަށް އަވަހަށް ނޫސް ބަޔާނެއް ނެރޭނެ ކަމަށެވެ.
ނަމަވެސް އެ މެސެޖު ފޮނުވިތާ މިހާރު ހަތަރު ގަޑިއިރު ވެގެންދިޔަ އިރުވެސް އެ ބުނާ ނޫސް ބަޔާނެއް އެޗްޕީއޭ އަކުން ނުނެރެ އެވެ.
އިންޓަނެޓުން ލިބެން ހުރި މައުލޫމާތުން އެނގޭ ގޮތުގައި މެނިންގޮކޯކޮލް ބައްޔަކީ ނުރައްކާތެރި ބެކްޓީރިއާއެއް ކަމަށްވާ ނެއިސެރިއާ މެނިންގްޓިޑިސް ނުވަތަ އާންމު ނަމުންނަމަ މެނިންގޮކޯކަސްގެ ސަބަބުން ޖެހޭ ބައްޔެކެވެ.
މި ބުނާ ބެކްޓީރިއާ ސިކުނޑިއާއި މައިބަނދަ ރައްކާތެރިކޮށްދޭ މެނިންޖެސް އަދި ލޭ ތަގައްޔަރުކޮށްލަ އެވެ. އަދި އެކަމަށް އަވަހަށް ފަރުވާ ނުދެވިއްޖެ ނަމަ ހަށިގަނޑުގެ ގުނަވަންތައް ހަލާކުކޮށްލައި ނުވަތަ މަރަށް ހުށަހެޅެ އެވެ. އެ ބަލިން ރައްކާތެރިވުމަށް ވެކްސިނެއް ޖަހަންޖެހެ އެވެ.

ގުޅުންހުރި
ހޮޅުދޫ ބޯޓުގައި ރޯވުން: މާވަށު ޒުވާނަކު ގެއްލިގެން ހޯދަނީ
މާލެ ދަތުރު ކުރަމުންދިޔަ ހޮޅުދޫ ބޯޓުގައި ރޯވެ އަނދައިފި
އެއާޕޯޓް ޓާމިނަލް ހަދާ ބިދޭސީންގެ މެދުގައި ބޮޑު މާރާމާރީއެއް، ގިނަ ބަޔަކަށް
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ