ރައީސުލްޖުމްހޫރިއްޔާ ޑރ. މުހައްމަދު މުއިއްޒަށް ސިހުރު ހެދި ކަމަށް ތުހުމަތުވާ މައްސަލައިގައި ހައްޔަރުކުރި ތ. ކިނބިދޫ/ ހުސައިން ސަމީރު (58އ) ދޫކޮށްލަން ހުޅުމާލެ މެޖިސްޓްރޭޓް ކޯޓުން އަމުރުކޮށްފި އެވެ.
ރައީސް މުއިއްޒުއާ ސިޔާސީ ގޮތުން ގާތްވުމަށް ސިހުރު ހެދި ކަމަށް ބުނާ މައްސަލައިގައި އެންވަޔަރަމަންޓް މިނިސްޓްރީގެ ސްޓޭޓް މިނިސްޓަރު ފާތިމަތު ޝަމްނާޒް ސަލީމާއި އޭނާގެ ކޮއްކޮ ސަނާ ސަލީމާއި ސަމީރު ހައްޔަރުކުރީ މިދިޔަ މަހުގެ 23 ވަނަ ދުވަހު އެވެ.
”ހަފްތާ“ އަށް އެނގިފައިވާ ގޮތުގައި މި މައްސަލައިގައި ޝަމްނާޒާއި އޭނާގެ ކޮއްކޮ ސިހުރު ހަދައިދޭން އެދުނީ ސަމީރު ކައިރިންނެވެ.
ފުލުހުން މިއަދު ބުނީ ސަމީރުގެ ބަންދާމެދު ގޮތެއް ނިންމުމަށް މިދިޔަ މަހުގެ 29ގައި ހުޅުމާލެ ކޯޓަށް ހާޒިރު ކުރުމުން ޝަރުުތުތަކާ އެކު ދޫކޮށްލާފައިވާ ކަމަށެވެ. އޭނާ ދޫކޮށްލި ނަމަވެސް ޝަމްނާޒާއި އޭނާގެ ކޮއްކޮގެ ބަންދަށް ކޯޓުން މިއަދު ވަނީ އިތުރު ހަތް ދުވަސް ޖަހައިފަ އެވެ.
އެ މައްސަލައާ ގުޅިގެން ޝަމްނާޒް ސަސްޕެންޑް ކޮށްފައިވާއިރު، އޭނާގެ ކުރީގެ ފިރިކަލުން، ރައީސް އޮފީހުގެ މިނިސްޓަރު އާދަމް ރަމީޒުވެސް ވަނީ މަގާމުން ސަސްޕެންޑް ކޮށްފަ އެވެ. ނަމަވެސް ރަމީޒު ސަސްޕެންޑް ކުރީ ކޮން ސަބަބަކާ ގުޅިގެން ކަމެއް ރައީސް އޮފީހަކުން ނުބުނެ އެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ޖަލު އޮފިސަރަކަށް މަރުތޭލަކުން ހަމަލާ ދިނުމަށްފަހު ފިލައިގެން އުޅުނު ދެ މީހަކު
ޝަމްނާޒާ ދެކޮޅަށް ސިހުރުގެ މައްސަލަ ހުށަހެޅީ ރައީސްގެ ފަރާތްޕުޅަކުން ނޫން: ސަރުކާރު
ކުޑަކުދިން ލައްވައި ޑުރަގް ވިއްކާ މީހަކު ފުނަދޫން ހައްޔަރުކޮށްފި
އެންޓި ސްކޭމް ސެންޓަރަކާއި ގޭންގު ކުށްތައް ހުއްޓުވަން ވަކި ޑިޕާޓްމަންޓެއް ހަދައިފި
ބަކާ ނިޔާވުމަކީ ދިވެހި ހުރިހާ ރައްޔިތުންނަށް ލިބުނު ފުން ހިތާމެއް: ރައީސް
ހަރަދު ކުޑަކުރުމާއި އާމްދަނީ އިތުރުކުރުމުގެ ސިޔާސަތެއް އެކުލަވާލަނީ