ޓޫރިޒަމް މިނިސްޓްރީގެ ސްޓޭޓް މިނިސްޓަރަކަށް ރައްޔިތުންގެ މަޖިލީހުގެ ފޭދޫ ދާއިރާގެ ކުރީގެ މެންބަރު މުހައްމަދު ނިހާދު އައްޔަންކޮށްފި އެވެ.
އެކަން ޓޫރިޒަމް މިނިސްޓްރީގެ އިސް އޮފިޝަލަކު ވަނީ މި ނޫހަށް ކަށަވަރު ކޮށްދެއްވައިފަ އެވެ.
އޮފިޝަލް ވިދާޅުވި ގޮތުގައި ނިހާދުއާ އެކު ޓޫރިޒަމް މިނިސްޓްރީގައި މި ވަގުތު ފަސް ސްޓޭޓް މިނިސްޓަރުން އެބަ ތިއްބެވި އެވެ.
ނަމަވެސް ރައީސް އޮފީހުގެ ވެބްސައިޓުން ފެންނަ ގޮތުން އެ މިނިސްޓްރީގައި ތިއްބަވަނީ އެންމެ ދެ ސްޓޭޓް މިނިސްޓަރުންނެވެ. އެ ވެބްސައިޓް އަޕްޑޭޓް ނުވާކަމުގެ ޝަކުވާ ގިނަ ބަޔަކު ކުރެ އެވެ.
ސަރުކާރުގެ އެކި މިނިސްޓްރީތަކުގެ ސްޓޭޓް މިނިސްޓަރުންނަށް ލިބޭ މުސާރައިގައި ފަރަގުތަކެއް އުޅޭއިރު ޓޫރިޒަމް މިނިސްޓްރީގެ ސްޓޭޓް މިނިސްޓަރަކަށް މުސާރައާއި އިނާޔަތުގެ ގޮތުގައި މަހަކު 43،500ރ. ލިބެ އެވެ.
އެހެންކަމުން އެ މިނިސްޓްރީގައި ތިއްބަވާ ފަސް ސްޓޭޓް މިނިސްޓަރުންގެ މުސާރައާއި އިނާޔަތަށް އެކަނިވެސް މަހެއްގެ މައްޗަށް 217،500ރ. ހަރަދުވާނެ އެވެ.
ނިމިދިޔަ 19 ވަނަ މަޖިލީހަށް އިންތިހާބުވި ނިހާދު އިންތިހާބުވީ އެމްޑީޕީގެ ޓިކެޓުގަ އެވެ. ނަމަވެސް ވެރިކަން ބަދަލުވިތާ މަހެއްހާ ދުވަސް ފަހުން ނިހާދު ވަނީ ޕީއެންސީއަށް ސޮއި ކުރައްވައިފަ އެވެ.
ގުޅުންހުރި
ރާއްޖެ-އިންޑިއާ ގުޅުން ރަނގަޅުވާތީ ނަޝީދު އުފަލުން: އަބަދުވެސް ތިބެންވާނީ އެކުވެރިކަމުގައި
ބޭރު ގައުމުތަކުގައި ތިބޭ ދިވެހިންނަށް ދައުލަތުގެ އެހީތެރިކަން ލިބޭ ގޮތް ހަދާނަން:
ބައްސާމް އެދުނު ގޮތަށް އެޕާޓްމަންޓްތައް ހަވާލުކުރަން ދިން މުއްދަތު ފުލުހުން އިތުރުކޮށްދީފި
އައިއެމްއެފްގެ އެހީއެއް ނުހޯދާނަން، އިންޑިއާ އިން ރާއްޖޭގެ ބުރަ ލުއިކޮށްދޭނެ: ރައީސް
ރައީސާއި ޖައިޝަންކަރާ ބައްދަލު ކުރައްވައިފި، ފުޅާ ދާއިރާއެއްގައި މަޝްވަރާ ކުރެއްވި
ވަޒީފާއަށް ފިލައިގެން އުޅުނު ކަމަށް ބުނެ ފުލުހަކު ވަކިކުރީ ގަވާއިދާހިލާފަށް: ހައި