ފުލުހުންގެ ހައްޔަރަށް ގެންދިއުމުގެ ތެރޭގައި މީހަކަށް އަނިޔާވީ، އޭނާ ކުޑަދޮރުން ފުންމާލައިގެން ފިލަން މަސައްކަތް ކުރަނިކޮށް މަގުމައްޗަށް ވެއްޓިގެން ކަމަށް ފުލުހުން ބުނެފި އެވެ.
މުހައްމަދު އަޒްމީލް ޖަލީލު ނަމަކަށް ކިޔާ 38 އަހަރުގެ އެ މީހާ ހައްޔަރުކުރަން ފުލުހުން އުޅުނީ ބަންދުގައި ބަހައްޓައިގެން އިއްޔެ ޑުރަގް ކޯޓަށް ހާޒިރުކުރުމަށް ފުލުހުންގެ މައްޗަށް އެ ކޯޓުން ކޮށްފައިވާ އަމުރަކާ ގުޅިގެންނެވެ.
އެ ހާދިސާގައި އޭނާގެ ބޯ ފަޅައިގެން ގޮސް މައިބަނދައަށް ގެއްލުންވެފައިވާ ކަމަށް އާއިލާ އިން ބުނާއިރު ލިބުނު އަނިޔާތަކަށް އޭނާއަށް މި ވަގުތު ފަރުވާ ދެމުންދަނީ އައިޖީއެމްއެޗްގެ އައިސީޔޫގައި ވެންޓިލޭޓަރުގައެވެ.
އެ ހާދިސާއާ ގުޅިގެން ފުލުހުން މިރޭ ނެރުނު ނޫސްބަޔާނެއްގައި ބުނީ، އަޒްމީލަށޤ އަނިޔާވެފައިވަނީ މިދިޔަ ހޯމަ ދުވަހުގެ މެންދުރުފަހު 2:15 ހާއިރު ފުލުހުން އޭނާ ދިރިއުޅޭ ގެއަށް ދިއުމުން، ތައްޔާރުވެގެން އައުމަށް ވަގުތުކޮޅެއް ދޭން ބުނުމަށްފަހު އެގޭގެ ފުރަތަމަ ބުރީގެ ކުޑަދޮރުން ނުކުމެ ފިލަން އުޅުމުގެ ތެރޭގައި މަގުމައްޗަށް ވެއްޓިގެން ކަމަށެވެ.
ނަމަވެސް އޭނާ އައިޖީއެމްއެޗް އަށް ގެންދިޔައީ ފުލުހުންގެ މާލޭ ކަސްޓޯޑިއަލްއަށް ގެންގޮސް އެތަނުގެ މެޑިކަލް އޮފިސަރު ބެލުމަށްފަހު އެ ދުވަހުގެ މެންދުރުފަހު 3:05 ހާއިރު ކަމަށް ފުލުހުން ބުންޏެވެ.
ފުލުހުން ބުނީ، އަޒްމީލް ހައްޔަރުކުރުމުގައި އެ މުއައްސަސާ އިން އަމަލުކޮށްފައިވާ ގޮތާމެދު އާއިލާގެ ކަންބޮޑުވުންތަކެއް ހުރުމާއެކު ހައްޔަރު ކުރުމުގައި އަމަލުކޮށްފައިވާ ގޮތް ބެލުމަށް، ފުލުހުންގެ ޕްރޮފެޝަނަލް ސްޓެންޑަޑްސް ކޮމާންޑް، ނެޝަނަލް އިންޓެގްރިޓީ ކޮމިޝަން އަދި ހިއުމަން ރައިޓްސް ކޮމިޝަންގައި އެދިފައިވާނެ ކަމަށެވެ.

ގުޅުންހުރި
އެއާޕޯޓް ޓާމިނަލް ހަދާ ބިދޭސީންގެ މެދުގައި ބޮޑު މާރާމާރީއެއް، ގިނަ ބަޔަކަށް
ހިތަދޫ އާރިކިޅި ތެރެއިން މަރުވެފައި އޮތް މީހަކު ފެނިއްޖެ
ކުރީގެ އަނބިމީހާއަށް ބިރު ދައްކައި ބްލެކްމެއިލް ކުރުމުގެ ތުހުމަތުގައި މީހަކު ހައްޔަރުކޮށްފި
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
ކޮފީފުޅި ވަގަށް ނެގި މީހަކު ހަތް ދުވަހަށް، ދަވާދު ދަޅެއް ވަގަށް
ގެއްލިގެން ހޯދަން އިއުލާނު ކުރި މީހަކު ޑްރަގް އެތެރެކުރަނިކޮށް ހައްޔަރުކޮށްފި