އައްޑޫ ސިޓީ ހިތަދޫގެ ގެއެއްގެ ކޮޓަރިއެއްގެ ތެރޭގައި އަންހެނަކު ބަރަހަނާކޮށް ހުއްޓައި އެ ކޮޓަރީގެ ދޮރު ހަލާކުކޮށްލައިގެން ފުލުހުން ވަން މައްސަލައެއް ފެންމަތިވުމުން، އެ މައްސަލަ ރިވިއު ކުރާނެ ކަމަށް ފުލުހުން ބުނެފި އެވެ.
ފުލުހުން މީޑިއާތަކަށް ބުނީ، ޑުރަގުގެ މައްސަލައެއްގައި ހިތަދޫ އެޕާޓްމަންޓެއް އިއްޔެގެ ވަގުތެއްގައި ކޯޓު އަމުރެއްގެ ދަށުން ބަލައި ފާސްކުރި ކަމަށެވެ. އަދި އެ އެޕާޓްމަންޓަށް ފުލުހުން ވަނުމަށް ދޮރު ހުޅުވުމަށް ތަކުރާރުކޮށް ފުލުހުން އެދުމުންވެސް ދޮރު ނުހުޅުވުމުން އެޕާޓްމަންޓަށް ފުލުހުން ވަދެފައިވަނީ ބާރުގެ ބޭނުންކޮށް ދޮރުގެ ތަޅު ހަލާކުކޮށްލައިގެން ކަމަށް ބުންޏެވެ.
ފުލުހުން ބުނީ، އެޕާޓްމަންޓުގެ ދެ ކޮޓަރިއެއްގެ ދޮރު ހުޅުވުމަށް ތަކުރާރުކޮށް އެދުމުންވެސް ދޮރު ނުހުޅުވުމުން ފުލުހުން އެ ކޮޓަރިއަށްވެސް ވަދެފައިވަނީ ތަޅު ހަލާކުކޮށްލައިގެން ކަމަށެވެ.
”އޭގެ ތެރެއިން އެއް ކޮޓަރީގައި ފެން ވަރައިގެން ނުކުމެ ހުރި އަންހެނަކު ހުރުމުން ފުލުހުން ވާނީ ދޮރު ލެއްޕުމަށްފަހު ކޮޓަރިން ނުކުތުމަށް ފުރުސަތު ދީފައި. އެ އޮޕަރޭޝަންގައި ހަރަކާތްތެރިވި ފުލުހުން ބޮޑީ ވޯން ކެމެރާ ބޭނުންކޮށްފައި ނުވޭ،“ ފުލުހުން ބުންޏެވެ.
ފުލުހުން އިތުރަށް ބުނީ، އެ އޮޕަރޭޝަންގައި ބާރުގެ ބޭނުންކުރި ގޮތުގެ ރިވިއުއެއް ހަމަޖެހިފައިވާ އުސޫލުތަކުގެ ތެރެއިން ކުރާނެ ކަމަށެވެ.
77 Comments
ގުޅުންހުރި
އައްޑޫ ސިޓީ އާއި ހުޅުދޫ އަދި މީދޫގެ އިހްތިސާސަށް ބަދަލު ގެނެސްފި
މަގުތަކުގައި ނަންބޯޑު ޖެހުމަށް 25 މިލިއަން ރުފިޔާއަށް ހަވާލުކުރި ކަމަށް ދެކެވޭ
މާވިން އިސްލާމްވެއްޖެ، އޭނާގެ އާ ނަމަކަށް ޔޫސުފް
ގޯއްޗާއި ފްލެޓަށް އެދި ހުށަހެޅުމުގެ މުއްދަތު އޭޕްރީލްގެ ނިޔަލަށް އިތުރުކޮށްފި
ރައީސް، މެދުހެންވޭރު ”ދޮރުންދޮރަށް“ ހަރަކާތަށް
ނުކުޅެދުންތެރިކަން ހުންނަ ކުދިންގެ ބެލެނިވެރިންނަށް ގޭގައި ތިބެގެން މަސައްކަތް ކުރެވޭ ގޮތަށް