ސިންގަޕޫރަށް 36.93 ގުރާމްގެ ހެރޮއިން އެތެރެކުރި މީހަކު ދަންޖައްސައިގެން މަރުގެ އަދަބު ދީފި އެވެ.
މިއީ ސިންގަޕޫރުގައި މި އަހަރުގެ ތެރޭގައި ޑުރަގް ޓްރެފިކިންގެ މައްސަލައެއްގައި ދަންޖައްސައިގެން މަރުގެ އަދަބު ދިން ދެވަނަ މީހާ އެވެ.
ރިޕޯޓްތައް ބުނާ ގޮތުން އުމުރުން 45 އަހަރުގެ އެ މީހާ މެރުމަށް ހުކުމްކޮށްފައިވަނީ މި އަހަރުގެ ފެބްރުއަރީ މަހުގެ ތެރޭގަ އެވެ. އެ ކުށަށް މައާފު ހޯދުމަށް އޭނާ ހުށަހެޅި ނަމަވެސް އެ ހުށަހެޅުން ވަނީ ބާތިލުކޮށްފަ އެވެ.
ރިޕޯޓްތައް ބުނާ ގޮތުން އޭނާ ދަންޖައްސައިގެން މަރުގެ އަދަބު ދީފައިވަނީ ޗަންގީ ޖަލުގަ އެވެ. ނަމަވެސް އާއިލާއާއި ހައްގުތަކާ ބެހޭ ޖަމިއްޔާތަކުގެ އެދުމުގެ މަތިން އަދަބު ދިން މީހާއާ ގުޅޭ މައުލޫމާތާއި އޭނާގެ ކުރި ކުށުގެ ތަފުސީލުތައް ވަނީ ސިއްރުކޮށްފަ އެވެ.
ސިންގަޕޫރަކީ ޑުރަގް ޓްރެފިކް ކުރާ މީހުންނަށް ހަރުކަށި އަދަބު ކަނޑައަޅާފައިވާ ގައުމެކެވެ. އެގޮތުން އެ ގައުމަށް 500 ގުރާމަށްވުރެ ގިނަ ކެނެބިސް ނުވަތަ 15 ގުރާމަށްވުރެ ގިނަ ހެރޮއިން އެތެރެކުރާ މީހެއްގެ އަދަބަކީ މަރުގެ އަދަބެވެ.
އެގޮތުން މި އަހަރުގެ ފެބްރުއަރީ މަހުގެ ތެރޭގައި ޑުރަގް ޓްރެފިކް ކުރި ބަންގްލަދޭޝް ރައްޔިތަކު ދަންޖައްސައިގެން މަރުގެ އަދަބު ދީފައިވެ އެވެ. އޭނާއަކީ 2019 ވަނަ އަހަރަށްފަހު ދަންޖައްސައިގެން މަރުގެ އަދަބު ދިން ފުރަތަމަ މީހާ އެވެ.
38 Comments
ގުޅުންހުރި
ގޭމާސް ކްލަބުން 3އޮން3 ފުޓްސެލް މުބާރާތެއް ބާއްވަނީ، ބައިވެރިވާން ހުޅުވާލައިފި
ޑިރެކްޓާ ޖެނެރަލް އޮފް ބްލަޑް ސާވިސްގެ މަގާމަށް މީހަކު ހޯދަނީ
ސައިކަލަކާއި ޕޮލިސް ކާރެއް ޖެހި ނުރައްކާތެރި އެކްސިޑެންޓެއް! ކުޑަކުއްޖާ ކާރު ދަށުނުވީ
ބޮޑުތަކުރުފާނުގެ މަގުގެ އުތުރު ފަރާތް 4 ލޭނަށް ފުޅާކޮށް ތާރު އަޅަން
ގޭސް ޝިޕްމެންޓަކަށް އެޑްވާންސްކޮށް ދެއްކި ފަައިސާ ވީނުވީއެއް ނޭނގި ގެއްލުނު މައްސަލައެއް
މާލެ ސަރަހައްދުގައި 119،472 އުޅަނދު ދުއްވާ، ކެރީން ކެޕޭސިޓީއަކަށް 89،413 އުޅަނދު!
ގޭމާސް ކްލަބުން 3އޮން3 ފުޓްސެލް މުބާރާތެއް ބާއްވަނީ، ބައިވެރިވާން ހުޅުވާލައިފި
ޑިރެކްޓާ ޖެނެރަލް އޮފް ބްލަޑް ސާވިސްގެ މަގާމަށް މީހަކު ހޯދަނީ
ސައިކަލަކާއި ޕޮލިސް ކާރެއް ޖެހި ނުރައްކާތެރި އެކްސިޑެންޓެއް! ކުޑަކުއްޖާ ކާރު ދަށުނުވީ
ބޮޑުތަކުރުފާނުގެ މަގުގެ އުތުރު ފަރާތް 4 ލޭނަށް ފުޅާކޮށް ތާރު އަޅަން