ކ. ކާށިދޫ މިސްކިތެއްގެ މުދިމަކު ޑުރަގުގެ މައްސަލައެއްގައި ހައްޔަރުކޮށް މައްސަލަ ބަލަން ފަށައިފި އެވެ.
އެފަދަ މައްސަލައެއްގައި ކާށިދޫން މިއަދު މީހަކު ހައްޔަރުކުރިކަން ފުލުހުން ކަށަވަރުކޮށްދެ އެވެ. ނަމަވެސް އެކަމާ ބެހޭ އިތުރު މައުލޫމާތެއް ފުލުހުން ހިއްސާއެއް ނުކުރެ އެވެ.
ނަމަވެސް ’ހަފްތާ‘ އަށް ކަށަވަރުވެފައިވާ ގޮތުގައި އެއީ ކާށިދޫގެ މުދިމެކެވެ.
ފުލުހުން ވަނީ މީގެ ކުރިން ކާށިދޫ މަސްޖިދުއް ޒިކުރާގެ މުދިމަކު ޑުރަގް ބޭނުންކުރި މައްސަލައަކާ ގުޅިގެން ހައްޔަރުކޮށްފަ އެވެ. އެ މައްސަލައާ ގުޅިގެން މުދިމުކަމުން އޭނާ ވަކިވެސް ކުރި އެވެ. ނަމަވެސް ވަޒީފާއާބެހޭ ޓްރައިބިއުނަލަށް އެ މައްސަލަ ހުށަހެޅުމުން ޓްރައިބިއުނަލުން ނިންމީ އޭނާއަށް އަލުން ވަޒީފާ ދިނުމަށެވެ.
މަސްތުވާތަކެތީގެ މައްސަލައެއްގައި މިއަދު ހައްޔަރުކޮށްފައިވަނީ އެ މުދިމު ކަމެއް އަދި ސާފުނުވެ އެވެ.


ގުޅުންހުރި
ރޯދައަށް މާލޭގެ މަގުތައް ސާފުކުރުން: އެއް ދުވަހުން 235 އުޅަނދު ޓޯކޮށްފި!
ވިލުފުށީ ކެފޭއަކަށް ސިހުރު ހެދި ކަމަށް ތުހުމަތުވާ މީހާ 15 ދުވަހަށް
އެޗްޑީސީގެ ސީއެފްއޯ އާއި އިތުރު ވެރިއަކު ވަކިކޮށްފި
ޑްރަގު މައްސަލައެއްގައި މަންމައާއި ދަރިފުޅު ހައްޔަރުކޮށްފި
މަރުތޭލުން ޖެހުމުގެ ތުހުމަތު ކުރެވޭ މީހާ ރާއްޖެ އައުމާ އެކު ހައްޔަރުކޮށްފި
އެމަޖެންސީގައި ދިޔަ އެމްބިއުލާންސަކާއި ސައިކަލެއް ޖެހި އެކްސިޑެންޓެއް ހިނގައިފި