އައިލެންޑް އެވިއޭޝަން ސާވިސަސް ލިމިޓެޑްގެ ޗެއާޕާސަންގެ މަގާމުން މުހައްމަދު މިހާދު ވަކިކުރައްވައިފި އެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން (ޕީސީބީ) ބޯޑުން މިއަދު އެކްސްގައިކުރި ޕޯސްޓެއްގައި ބުނީ މިހާދު އެ މަގާމުން ވަކިކުރެއްވީ މިއަދު ކަމަށެވެ.
އަދި އެއީ ދައުލަތުގެ ވިޔަފާރި ތަންތަން ޕްރައިވަޓައިޒް ކުރުމާއި ކޯޕަރަޓައިޒް ކުރުމާއި އަދި މޮނިޓާކޮށް އިވެލުއޭޓް ކުރުމުގެ ގާނޫނުގެ ދަށުން ގެނައި ބަދަލެއް ކަމަށް ޕީސީބީން ބުންޏެވެ.
ޕީސީބީން މިއަދު ވަނީ އެމްޓީސީސީގެ ސީއީއޯގެ މަގާމުގައި ހުންނެވި މުހައްމަދު ޒިޔާދު ވެސް އެ މަގާމުން ވަކިކުރައްވައިފަ އެވެ. ޒިޔާދު އެ މަގާމުން ވަކިކުރެއްވިއިރު އޭނާއަށް އެންވަޔަރުމެންޓް މިނިސްޓްރީގެ ސްޓޭޓް މިނިސްޓަރުކަން ދިނުމަށް ވަނީ ނިންމައިފަ އެވެ.
މީގެ އިތުރުން ޕީސީބީން ވަނީ ސަރުކާރުން އަލަށް އުފައްދާފައިވާ ޑިވެލޮޕްމެންޓް ބޭންކް އޮފް މޯލްޑިވްސްގެ ބޯޑު މެންބަރު ކަމަށް އަހުމަދު އަލީ، ސިންގަޕޫރުގެ ރައްޔިތެއް ކަމަށްވާ ސައީދު އަބްދުއްނާސިރު ބިން ސައީދު ހަސަން އަލް ޖުނައިދު އަދި އިނގިރޭސިވިލާތުގެ ރައްޔިތެއް ކަމަށްވާ ރޮބާޓް ޑެނިއަލް ކާންޓް އައްޔަން ކުރައްވައިފަ އެވެ.

ގުޅުންހުރި
އައްޔަންކުރިތާ 7 މަސް، ޑިވެލޮޕްމެންޓް ބޭންކުގެ ސީއީއޯ ވެސް އިސްތިއުފާ ދެއްވައިފި
އެސްޑީއެފްސީގެ މެނޭޖިން ޑިރެކްޓަރުގެ މަގާމުން ފިފްޝީން ވަކިކޮށްފި
ޕީސީބީގެ ރައީސްއަކަށް އަނަސް އައްޔަންކުރައްވައިފި
އެސްޓީއޯގެ ބޯޑު ޑިރެކްޓަރަކަށް ފަޒީނާ
އެޗްޑީސީގެ ޗެއާމަނަކަށް ހުންނެވި ނާސިފް 4 މަސް ފަހުން މަގާމުން ވަކިކޮށްފި
އެމްޕީއެލްގެ އާ މެނޭޖިން ޑިރެކްޓަރަކަށް ކުރީގެ ޑީސީޕީ ރިޝްވާން