މީހަކު ރަހީނުކުރުމަށްފަހު އެ މީހާގެ އިނގިއްޔެއް ބުރިކޮށްލައިފި އެވެ.
އެ މައްސަލައިގައި ފުލުހުން ވަނީ 23 އަހަރުގެ މާފުށީ ޒުވާނަކު ހައްޔަރުކޮށްފަ އެވެ. އޭނާ ހައްޔަރުކުރީ ތޫނު ހަތިޔާރު ބޭނުންކޮށްގެން މާރާމާރީ ހިންގުމާއި ޖެހުން އަދި ހުއްދަ ނޫން ގޮތުގައި މީހުން ހިފެހެއްޓުމުގެ ތުހުމަތުގަ އެވެ.
އޭނާގެ ބަންދާމެދު ގޮތެއް ނިންމުމަށް މިދިޔަ ބުރާސްފަތި ދުވަހު ކްރިމިނަލް ކޯޓަށް ގެންދިއުމުން ކޯޓުން ވަނީ ތަހުގީގު މަރުހަލާ ނިމެންދެން އޭނާ ބަންދުކޮށްފަ އެވެ.
ބަންދު މަޖިލީހުގައި ފުލުހުން ބުނީ، ތުހުމަތު ކުރެވޭ ކުށް އޭނާގެ ކުރިކަމަށް ތުހުމަތުވާ މިންވަރެއްގެ ހެކި ލިބިފައިވާ ކަމަށެވެ. އަދި އަނިޔާ ލިބުނު މީހާގެ ބަޔާނާއި ހެކީންގެ ބަޔާނާއި އަނިޔާ ލިބުނު މީހާއަށް ލިބިފައިވާ އަނިޔާގެ ފޮޓޯގެ އިތުރުން ސީސީޓީވީ ފުޓޭޖު ސްނެޕްޝޮޓްތައް ފުލުހުން ހުށަހެޅި އެވެ.
ފުލުހުން ކޯޓުގައި ބުނީ، އަނިޔާ ލިބުނު މީހާ ރަހީނުކޮށް އޭނާގެ އިނގިލި ބުރިކޮށްލުމުގައި ހައްޔަރުކުރި މީހާ ބައިވެރިވާ ކަމަށް ތުހުމަތު ކުރެވޭ ކަމަށެވެ.
2 Comments
ގުޅުންހުރި
ގެސްޓް ހައުސްއަކަށް މީހަކު ވައްދައި އޮރިޔާންކޮށް ފޭރުނު ދެ މީހަކަށް ދައުވާ
ގެއަކަށް ވެއްދުމަށްފަހު އޮރިޔާންކޮށް، ފޭރުން: މަންމައަށާއި ދަރިއަށް ދައުވާ ކުރަން ފޮނުވައިފި
ނުކުޅެދުންތެރި ކުއްޖަކަށް ޖިންސީ ގޯނާކުރި 57 އަހަރުގެ މީހަކު ހައްޔަރުކޮށްފި
ތަސްލީމު ހޯދުމަށްޓަކައި އިންޓަޕޯލް ޔެލޯ ނޯޓިސްއަކަށް ފުލުހުން އެދިއްޖެ
ބިއްލޫރި ޝީޓްތަކެއް ގައިމައްޗެއް ވެއްޓި ފުވައްމުލަކުގައި ހަތަރު މީހަކަށް އަނިޔާވެއްޖެ
ސައިކަލެއްގެ މަޑިދަށުން 400،00 ރުފިޔާ ވަގަށް ނެގި މައްސަލައެއްގައި ބިދޭސީއަކު ހައްޔަރިކޮށްފި