އިލެކްޓްރިކް ވެހިކަލް ޗާޖިން ސްޓޭޝަނެއް ހެދުމުގެ މަސައްކަތް ކުރަމުން އަންނަ ކަމަށް ސްޓެލްކޯ އިން ބުނެފި އެވެ.
އެ ސްޓޭޝަން ހަދަމުންދަނީ ސްޓޭލްކޯގެ ހެޑް އޮފީހާ އިންވެގެން އޮންނަ ދޮންއަދަރާދަ މަގުގައެވެ.
ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ, އެފަދަ ސްޓޭޝަނެއް ހަދަން ނިންމީ ރައީސް ޑރ. މުހައްމަދު މުއިއްޒު ގެންގުޅުއްވުާ ތިމާވެށީގެ ހަރުދަނާ ސިޔާސަތުގެ ތެރެއިން ކާބަން ފުޓް ޕްރިންޓް ކުޑަކުރުމަށް ކަމަށެވެ.
އޭގެ އިތުރުން ގައުމަށާއި ދުނިޔެއަށް އަންނަ ކުރިއެރުންތަކާއެކު ތިމާވެއްޓާ ރައްޓެހި އުޅަނދުތަކަށް އޮންނަ ޑިމާންޑް ބޮޑުވެ, އެފަދަ އުޅަނދުތައް ގެންގުޅެން ބޭނުންވާ މީހުންނަށާއި އަދި މިހާރުވެސް ގެންގުޅޭ މީހުންނަށް ލުއިފަސޭހަތައް ހޯދައިދިނުމަށާއި އިލެކްޓްރިކް ވެހިކަލް ގެންގުޅުމަށް ހިތްވަރު ދިނުމަކީވެސް އެ ސްޓޭޝަން ހެދުމުގެ ބޭނުމެއް ކަމަށް ވިދާޅުވި އެވެ.
ފަހުމީ ވިދާޅުވީ, އެ ސްޓޭޝަން ހެދުމުގެ މަސައްކަތް މިހާރުވެސް ކުރަމުން އަންނައިރު, އެކަމުގައި މާލޭ ސިޓީ ކައުންސިލާއި މަޝްވަރާކޮށް އެ ކައުންސިލްގެ ފުރިހަމަ އެއްބާރުލުން ލިބިގެންދާނެ ކަމުގެ ޔަގީންކަން ލިބިފައިވާ ކަމަށެވެ. އަދި ވަރަށް އަވަހަށް ހަތަރު ފުރޮޅާއި ދެ ފުރޮޅުލީ ވެހިކަލްތަކަށް އެ ސްޓޭޝަންގެ ބޭނުން ކުރެވޭނެ ކަމަށް ވިދާޅުވި އެވެ.

5 Comments
ގުޅުންހުރި
ފަޅަށް ހުންނަތާ ގިނަ ދުވަސްތަކެއް ވެފައިވާ އޯކިޑް ޕްލާޒާ ތަޅާލުމުގެ މަސައްކަތް
ޒަކަރިއްޔާ ދަތުރުކުރި ޑިންގީ ކަނޑުގެ 33 ފޫޓު އަޑިން ފެނިއްޖެ
ރިސޯޓެއްގެ ފުއްޓަރު ފަރާތަށް ފީނަން އެރި އުޅުނު އެމެރިކާގެ ޓޫރިސްޓަކު މަރުވެއްޖެ
ޑިންގީ އެއްގައި ދަތުރުކުރަން ނުކުތް ޒަކަރިއްޔާ އަދިވެސް ނުފެނޭ
ކަޅު ބާޒާރުގައި ޑޮލަރު އަގު 20 އަރައިފި
ޒުވާނުންނަށް ކުރާ ހޭދަ އިތުރުކުރަން ރައީސް ގޮވާލައްވައިފި