އެމްޑީޕީއަކީ ބަގާވާތް ކުރާނެ ބައެއް ނޫން ކަމަށާއި އަދި އިދިކޮޅު ޕާޓީއެއްގެ ޒިންމާއަކީވެސް ސަރުކާރު ބަދަލުކުރުން ނޫން ކަމަށް އެ ޕާޓީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެ އެވެ.
އެމްޑީޕީން މިއަދު ބޭއްވި ނޫސްވެރިންގެ ބައްދަލުވުމެއްގައި މިދިޔަ ސަރުކާރުގެ އިކޮނޮމިކް މިނިސްޓަރުކަންވެސް ކުރެއްވި ފައްޔާޒު ވިދާޅުވީ މަގުމައްޗަށް ނުކުންނަން ޖެހޭނެ ހާލަތު އައިސްފި ކަމަށްވާ ނަމަ، އެމްޑީޕީން ނުކުންނާނީ ސަރުކާރު ޒިންމާދާރު ކުރުވައި، ކަންކަމުގެ ވާހަކަ ސަރުކާރަށް އިއްވައިގެން ކަންކަން ބަދަލުކުރުވަން ކަމަށެވެ.
އެގޮތުން ގައުމު ނާޒުކު ފައްތަރެއްގައި އޮތް ވަގުތެއްގައި އެމްޑީޕީން ވެސް މަސައްކަތް ކުރާނީ ލިބިފައި ހުރި ޕްލެޓްފޯމްތައް ބޭނުންކޮށްގެން ސަރުކާރަށް މެސެޖު ދިނުމަށް ކަމަށް ވިދާޅުވި އެވެ.
”އިދިކޮޅު ޕާޓީއެއްގެ ޒިންމާއަކީ ސަރުކާރު ބަދަލުކުރުމެއް ނޫން. އިދިކޮޅު ޕާޓީއެއްގެ ޒިންމާއަކީ ރައްޔިތުންނާ ހިސާބަށް ކަންކަން ހިނގާ ގޮތް ތަފުސީލުކުރުން، ސަރުކާރު އެކައުންޓަބަލް ކުރުން އަދި ސަރުކާރު އަނިޔާވެރިވެ ގާނޫނުއަސާސީއާ ހިލާފުވާ ކަމަށްވަންޏާ ސަރުކާރު ބަދަލުކުރަން ގާނޫނީ އިމުގެ ތެރެއިން ކުރަންޖެހޭ ކަމެއް ކުރުން. އަޅުގަނޑުމެންނަކީ ބަގާވާތްކުރާ ބައެއް ނޫން. އަޅުގަނޑުމެން މަގުމައްޗަށް ނުކުންނަނީ ސަރުކާރު ވައްޓާލާކަށެއް ނޫން،“ ފައްޔާޒު ވިދާޅުވި އެވެ.
އޭނާ ވިދާޅުވީ ޕީއެންސީގެ އެތެރޭގައި ގޯސްތަކެއް އުޅޭ ކަމަށާއި ކުރިއަށް އޮތް ދުވަސްތަކުގެ ތެރޭގައި އަމިއްލައަށް ބަގާވާތެއް ކުރާތަން ފެންނަ ކަމަށެވެ.
2 Comments
ގުޅުންހުރި
ގްރޭޓާ މާލެ ފައިނޭންޝަލް ޑިސްޓްރިކްޓް ލިމިޓެޑް ނަމުގައި އާ ކުންފުންޏެއް އުފައްދައިފި
ހެޔޮލަފާ ވެރިކަމެއްގެ ހަގީގީ މަންޒަރުތައް ދިވެހިންނަށް ފެނި މިދަނީ ކަށަވަރުވަމުން: ފަހުމީ
ރައީސްގެ ދެކަނބަލުން ހައްޖަށް ފުރާވަޑައިގެންފި، އަރިހުގައި 8 ބޭފުޅުން ބައިވެރިވޭ
ގާ އެޅުމަށާއި ކާސްޓިން މަސައްކަތްތަކައް ކުންފުންޏެއް ރައީސް އުފައްދަވައިފި
މިއަންނަ މަހުން ފެށިގެން ކަރަންޓުގެ އަގު ކުޑަކުރަން ރައީސް ނިންމަވައިފި
ސައުދީގެ ”ޕްރިންސް“ އާ ގުޅޭ ލިޔުންތަކާއި ފޮޓޯތައް ރައީސް އޮފީހުގެ ވެބްސައިޓުން