ރައީސް ޑރ. މުހައްމަދު މުއިއްޒު ގެންދަވަނީ އަނިޔާވެރިކަމާއި ހުދުމުހުތާރުކަން އިސްނުކުރައްވައި ވެރިކަން ކުރެވޭނެކަން ސާބިތުކޮށްދެއްވަމުން ކަމަށް އެ މަނިކުފާނު ރައީސްކަން ކުރައްވާ އަދި ވެރިކަންކުރާ މައި ޕާޓީ، ޕީޕަލްސް ނެޝަނަލް ކޮންގްރެސް (ޕީއެންސީ) އިން ބުނެފި އެވެ.
ބައިނަލްއަގުވާމީ ފެންވަރުގައި މިއަދު ފާހަގަކުރާ ޑިމޮކްރަސީ ދުވަހުގެ މުނާސަބަތުގައި ޕީއެންސީން ނެރުނު ނޫސްބަޔާނެއްގައި ބުނީ މުއައްސަސާތައް ބޭނުންކޮށްގެން ވާދަވެރި ސިޔާސީ ފަރާތްތަށް ކަސްތަޅު އަޅުވައި ގައިދުކުރުމުގެ ސަގާފަތް މި ވެރިކަމާއެކު ނިމުމަކަށް އައިސް ޑިމޮކްރެޓިކް ނިޒާމުގެ ތެރެއިން މިނިވަންކަމާއެކު ވާދަކުރުމުގެ ފުރުސަތު ސިޔާސީ ޕާޓީތަކަށާއި ލީޑަރުންނަށް ފަހިވެފައިވާ ކަމަށެވެ. އަދި ސިޔާސީ ވާދަވެރިންގެ އަނބުރަށް އަރައިގަނެ ރުޅިވެރިކަމާއި ނަފުރަތުގެ ހުޅު ރޯކުރުންވެސް ރައީސް ނިމުމަކަށް ގެންނަވާފައިވާ ކަމަށް ބުންޏެވެ.
”ދައުލަތުގެ މުއައްސަސާތައް ނާޖާއިޒު ގޮތުގައި ބޭނުންކޮށްގެން ސިޔާސީ ވާދަވެރިން ކަސްތަޅުއަޅުވައި ގައިދުކުރުމުގެ ސަގާފަތް އެ މަނިކުފާނުގެ ވެރިކަމުގައި ނިމުމަކަށް ގެންނަވައި، ޑިމޮކްރެޓިކް ނިޒާމުގެ ތެރެއިން މިނިވަން ކަމާއެކު ވާދަކުރުމުގެ ފުރުސަތު ހުރިހާ ސިޔާސީ ޕާޓީތަކަށާއި ލީޑަރުންނަށް ފަހިކޮށްދެއްވިއެވެ. އަނިޔާވެރިކަމާއި ހުދުމުހުތާރުކަން އިސްނުކުރައްވައި ވާދަވެރި މާހައުލެއް ދަމަހައްޓަވަމުން ހަމަޖެހުމާއި ސުލްހަވެރިކަމާއެކު ވެރިކަން ކުރެއްވޭނެކަން އެ މަނިކުފާނު ގެންދަވަނީ ކޮންމެ ދުވަހަކުމެ ސާބިތު ކޮށްދެއްވަމުންނެވެ“ ޕީއެންސީން ބުންޏެވެ.
ޕީއެންސީން ބުނީ، ރާއްޖޭގައި ޒަމާނުއްސުރެ އޮންނަ ސިޔާސީ ބަދަލުހިފުމަށް ރައީސް ވަނީ ނިމުމެއް ގެނެސްފައި ކަމަށެވެ. ސިޔާސީ ކަންކަން ނިންމުމުގެ މަސައްކަތް ރައީސް ކުރިއަށްގެންދަވަނީ ރީތި ނަމޫނާ ދައްކައިގެން ކަމަށް ޕީއެންސީން ބުންޏެވެ.

ގުޅުންހުރި
މިހާރު އޮތް މަޖިލީހަކީ ރައީސް މުއިއްޒު ވިދާޅުވާހާ ގޮތަކަށް މަސައްކަތް ކުރާނެ
މޯލްޑިވްސް އިންޓަނޭޝަނަލް ފައިނޭންޝަލް ސާވިސަސް އޮތޯރިޓީ, ފިނޭންސްގެ ދަށަށް
އުވާލުމަށްފަހު އުވާނުލާ ކަމަށް ބުނި އެގްރޯ ނެޓް ބަލަހައްޓަން އެގްރިކަލްޗާ މިނިސްޓްރީއަށް
މި ރޯދަ މަހުގެ ފަހު 10 ވެސް ސަރުކާރު ބަންދުވާނެ
ސަރުކާރުގައި އަންހެނުންގެ ހިއްސާ އިތުރުކޮށް ބާރުވެރި ކުރުވުމަކީ އެންމެ އިސް އެއް
ރައްޔިތުންގެ މަޖިލީހަކީ މިހާރު ”ދިމްޔާތު މަޖިލިސް“: ޔާމީން