ގެސްޓް ހައުސްއަކަށް މީހަކު ވައްދައި އޮރިޔާންކޮށް ފޭރުނު ދެ މީހަކަށް ދައުވާ ކުރަން ފޮނުވައިފި

މާލޭ ގެސްޓްހައުސް އަކަށް މީހަކު ވައްދައި، ފޭރުނު މައްސަލައެއްގައި ދެ މީހަކަށް ދައުވާ ކުރަން ފުލުހުންގެ ފަރާތުން ޕްރޮސިކިއުޓާ ޖެނެރަލް (ޕީޖީ) އޮފީހަށް ފޮނުވައިފި އެވެ.

މިއީ މިދިޔަ ޖުލައި މަހުގެ 19 ވަނަ ދުވަހު މާލޭގައި ހުންނަ ޔެލޯ ލައިޓް ސްޓޭ ގެސްޓްހައުސްއަށް ދިވެހި ފިރިހެނަކު ވައްދައި، އެ މީހާއަށް ތޫނު އެއްޗެހިން ބިރުދައްކައި، އޮރިޔާންކޮސް، އޭނާގެ ވޮލެޓުގައި ހުރި ފައިސާ ނަގައި އެކައުންޓުގައި ހުރި ފައިސާ ޓްރާންސްފާކޮށް ފޭރުނު ކަމަށް ތުހުމަތު ކުރެވޭ މައްސަލައެކެވެ.

މި މައްސަލައިގައި ފުލުހުން ދައުވާ ކުރަން އެދިފައިވަނީ ގ. އޯލްޕެރިސް/ އަހުމަދު މިހާދު (44އ) އަދި ގ. ރަނައުރާގެއާގެ، ރިމާނާ މޫސާ (39އ)ގެ މައްޗަށެވެ. އެ މީހުންގެ މައްޗަށް ދައުވާ ކޮށްދިނުމަށް އެދި ޕީޖީ އޮފީހަށް ފޮނުވީ މި މަހުގެ 12 ވަނަ ދުވަހު އެވެ.