ލާމު އަތޮޅުގައި ގެއަކުން ވަދެ ސުކޫލު ދަރިވަރަކު ރަހީނުކޮށްގެން ގެންގޮސް އަނިޔާކުރި މައްސަލައެއް ފެންމަތިވެއްޖެ އެވެ.
އަނިޔާ ލިބުނު ކުއްޖާގެ މަންމަ ބުނީ އެ ކުއްޖާ ރަހީނުކޮށްފައި ވަނީ ކޮޓަރީގައި ނިދަން އޮއްވައި ގުރޫޕަކުން ކުޑަދޮރުން ވަދެ ކަމަށެވެ. އަދި އެ ގުރޫޕާ އެކު ދިއުމަށް އަންގައި ނުގޮސްފިނަމަ މަރާލާނެ ކަމަށް އިންޒާރުދީ ބިރު ދެއްކި ކަމަށްވެސް ބުންޏެވެ.
މަންމަ އިތުރަށް ބުނީ، އެ އިންޒާރުތަކާއި ގުޅިގެން ކުއްޖާ ގެއިން ބޭރަށް ނުކުތުމުން ގަދަކަމުން ރުއްގަނޑެއްގެ ތެރެއަށް ގެންގޮސް ކުއްޖާ ބަރަހަނާކޮށް ވީޑިއޯކޮށް، އެ މީހުންނަށް ފައިސާ ނުދީފިނަމަ ވީޑިއޯތައް ލީކުކޮށްލާނެ ކަމަށް ބުނެ އިންޒާރު ދިން ކަމަށެވެ. އަދި ފަހުން ކުއްޖާގެ އެއް އުމުރުފުރާގެ ގިނަ ކުދީންތަކެއް ތިބޭ ގުރޫޕަކަށް އެ ވީޑިއޯތައް އަޅާ ކުއްޖާއަށް މަރުގެ އިންޒާރު ވެސް ދިން ކަމަށް ބުންޏެވެ.
މި ޕޯސްޓާ ގުޅިގެން ފުލުހުން ބުނީ، އެކަން އެ އިދާރާގެ ސަމާލުކަމަށް އައިސްފައިވާ ކަމަށެވެ. އަދި ކަމާގުޅުން ހުރި އިދާރާތަކާ ގުޅިގެން އެކަމާ ގުޅޭ މައުލޫމާތު ހޯދުމުގެ މަސައްކަތް ކުރަމުން އަންނަ ކަމަށްވެސް ބުންޏެވެ.

ގުޅުންހުރި
ރައީސަށް މަރުގެ އިންޒާރުދިން މަސީހުގެ ބަންދަށް 10 ދުވަސް
އިމިގްރޭޝަން ކޮރަޕްޝަން: ލައްސާން ކުށަށް އިއުތިރާފުވުމުން ލުއި އަދަބެއް ދީފި
މުހައްމަދު ފުލުހަށް ދިޔައިއިރު ސްޓޭޝަނުގައި ފުލުހުން ނެތީ ކްރައިމް ސީނަށް ހުރިހާ
އެމްޑީޕީގެ ރަންރީނދޫ ދުވުން ބާއްވައިފި
ލަންކާގައި އިންވެސްޓުކުރާ ދިވެހިންނަށް އެގައުމުން ދިގު މުއްދަތަކަށް ބިން ލިބޭނެ!
ގުރުއާން ހިތުދަސްކުރުމުން އެހެން އިލްމުތައް ހާސިލުކުރަން ފަސޭހަވާނެ: ރައީސް