މޯލްޑިވްސް މީޑިއާ ކައުންސިލް (އެމްއެމްސީ)ގެ ރައީސްކަމުގެ މަގާމުގައި ހުންނެވި އަހުމަދު މުސްތަފާ، ޕަބްލިކް ސާވިސް މީޑިއާ (ޕީއެސްއެމް)ގައި އަދާކުރަމުންދިޔަ ވަޒީފާ އިން ވަކިކޮށްފި އެވެ.
’ހަފްތާ‘ އަށް ކަށަވަރުވެފައިވާ ގޮތުގައި ޕީއެސްއެމްގެ ވަޒީފާ އިން މުސްތަފާ ވަކިކޮށްފައިވަނީ މިރޭގެ ވަގުތެއްގަ އެވެ. ވަކިކުރި ސަބަބު ކަށަވަރު ނުވި ނަމަވެސް ޕީއެސްއެމް އިން ވަނީ މިރޭ ބަޔާނެއް ނެރެފަ އެވެ.
އެ ބަޔާނުގައި ޕީއެސްއެމް އިން ބުނީ އިއްޔެ ރޭ ބޭއްވި އެމްއެމްސީގެ 11 ވަނަ ނޫސްވެރިކަމުގެ އެވޯޑް ހަފުލާ ޕީއެސްއެމް އިން ލައިވްކޮށް ދައްކަމުންދިޔައިރު އެ ހަފުލާގެ ތެރޭގައި އެ ކުންފުނީގެ އެޑިޓޯރިއަލް ކޮންޓެންޓާ ހިލާފު އަދި ނޫސްވެރިކަމުގެ އާއްމު މިންގަނޑުތަކާ ހިލާފު ވީޑިއޯއެއް އެމްއެމްސީގެ ފަރާތުން ދައްކާފައިވާ ކަމަށެވެ.
ޕީއެސްއެމްއަށް ކުރިން އެންގުމެއްނެތި ކުއްލިއަކަށް ހަފުލާގެ ތެރޭގައި އެ ވީޑިއޯ ދެއްކުމަކީ ގަސްތުގައި ދުރާލާ ރާވައިގެން ޕީއެސްއެމްގެ އެޑިޓޯރިއަލް އުސޫލާ ހިލާފު ކޮންޓެންޓު ޕީއެސްއެމް އިން ދެއްކުމަށް އެމްއެމްސީން ކޮށްފައިވާ ކަމެއް ކަމަށް އެ ކުންފުނިން ދެކޭ ކަމަށާއި އެކަން ހަރުކަށި އިބާރާތުން ކުށްވެރިކުރާ ކަމަށްވެސް ބަޔާނުގައި ބުނެފައިވެ އެވެ.
ޕީއެސްއެމް އިން ބުނީ، އެކަމަކީ އެ ކުންފުންޏަށް ރައްޔިތުން ކުރަމުން އަންނަ އިތުބާރު ގެއްލި، ކުންފުނީގެ މައްޗަށް އޮތް ގާނޫނީ ވާޖިބުތައް އަދާކުރުމަށް ހުރަސްއެޅި، އިއާދަނުކުރެވޭނެ ވަރުގެ ގެއްލުން ލިބިދާނެފަދަ ކަމެއް ކަމަށެވެ.
އަދި ޕީއެސްއެމްގެ ތަސައްވުރު ރައްޔިތުންގެ ކުރިމަތީގައި ގެއްލޭފަދަ އަމަލެއް މޯލްޑިވްސް މީޑިއާ ކައުންސިލުން ހިންގާފައިވާތީ އެ މައްސަލަ ބައްލަވައިދެއްވުމަށް އެދި އެ ކުންފުނީގެ ފަރާތުން ރައްޔިތުންގެ މަޖިލީހަށް ހުށަހަޅާފައިވާ ކަމަށްވެސް ބުންްޏެވެ.
5 Comments
ގުޅުންހުރި
ޖިންސީ ފުރައްސާރަކުރިކަން ސާބިތުވުމުން، ފެރިދޫ ކައުންސިލްގެ ރައީސް ސަސްޕެންޑްކޮށްފި
ނުރައްކާތެރިކޮށް ވެހިކަލް ދުއްވާނަމަ 20 އަހަރަށް ޖަލަށްލެވޭ ގޮތް ހަދަނީ
ކައުންސިލްތަކުގެ ސައިޒް ކުޑަކުރުމަށް މަޖިލީހުން ފާސްކޮށްފި
އަނބިމީހާއަށް 15،000 ރުފިޔާ ދޭންޖެހޭ، އަތަކު އެކައްޗެއް ވެސް ނޯވޭ: އައްބާސް
ނައިބު ރައީސުންގެ އިނާޔަތަށް ޝަރުތު ހަމަވަނީ ފައިސަލް އެކަނި
ކުރީގެ ނައިބު ރައީސުންނަށް މަހަކު 25,000ރ. އިނާޔަތެއް ދޭން ސަރުކާރުގެ ފަރާތުން