އައިޖީއެމްއެޗުގައި މަސައްކަތް ކުރަމުންދިޔަ ނަރުހެއް ކަމަށްވާ މޭރީ ގްރޭސް މަރުގެ މައްސަލައާ ގުޅިގެން ޝަރީއަތް ނިމެންދެން ބަންދުކޮށްފައިހުރ ހަލީމަތު ލަމްހާބަންދުން ދޫކޮށްލަން ކްރިމިނަލް ކޯޓުން މިއަދު އަމުރުކޮށްފި އެވެ.
ކުރިމިނަލް ކޯޓުގައި މިއަދު ބޭއްވި އެ މައްސަލައިގެ އަޑުއެހުމުގައި މައްސަލަ ބައްލަވާ ގާޒީ ހުސެއިން ފާއިޒް ރަޝާދު، އަމުރުކުރެއްވީ ޝަރުތުތަކަކާއެކު ތިން މަސް ދުވަހުގެ މުއްދަތަށް ލަމްހާ ގޭ ބަންދަށް ބަދަލު ކުރުމަށެވެ.
އެ ޝަރުތުތަކާ ލަމްހާ ހިލާފުވެއްޖެނަ އަލުން އަނބުރާ ބަންދުކުރާނެ އެވެ.
ލަމްހާއަށް ކުރި ޝަރުތުތައް:
– ރާއްޖެއިން ފުރައިގެން ނުދިއުމަށް
– ގާނޫނާ ހިލާފު އަމަލެއް ނުވަތަ އިތުރު ކުށެއް ނުކުރަން
– ކޯޓުން އަންގާ ކޮންމެ ވަގުތެއްގައި ކޯޓަށް ގަޑިއަށް ހާޒިރުވުމަށް
– ޒަރޫރީ ބޭނުމެއްގައި ނޫނީ ގެއިން ބޭރަށް ނުދިއުމަށާއި މާލެއިން ބޭރަށް ފުރައިގެން ނުދިއުމަށް؛ އެގޮތަށް ދާ ނަމަ ކޯޓުގެ ހުއްދަ ހޯދުމަށް
– މި މައްސަލާގައި ހެކިބަސް ދީފައިވާ އެއްވެސް މީހަކާއި މޭރީގެ އާއިލާ މީހަކާ ވެސް ބައްދަލު ނުކުރުމަށް
– ވަކި ގަޑިތަކެއްގައި ގޭގައި ހުރުމަށް
މޭރީގެ މަރުގެ މައްސަލައާ ގުޅިގެން ދައުލަތުން ވަނީ ތިން ދައުވާއެއް ލަމްހާގެ މައްޗަށް ކޮށްފައެވެ. އެއީ އެއީ އެނގި ހުރެ މީހަކު މެރުގައި ބައިވެރިވުން، އެހެން މީހެއްގެ މުދަލުގެ މައްޗަށް ހުއްދަނޫން ގޮތެއްގައި ބާރު ހިންގުން އަދި ހުއްދަ ނަގައިގެން ކުރަންޖެހޭ ކަމެއް ހުއްދަ ނުނަގައި ކުރުމުގެ ކުށުގެ ދައުވާއެވެ. އެ ދައުވާތަކާ ގުޅިގެން ކުރިމިނަލް ކޯޓުން ވަނީ 2021 ވަަނަ އަހަރު ތެރެއިގައި ލަމްހާ ޝަރީއަތް ނިމެންދެން ބަންދުގައ ބެހެއްޓުމަށް އަމުރުކޮށްފަ އެވެ.
ނަމަވެސް 2023 ނޮވެމްބަރު 23 ގައި ކުރިމިނަލް ކޯޓުން އަމުރުކުރީ ޝަރުތުތަކަކާއެކު ލަމްހާ ބަންދުން ދޫކޮށްލުމަށެވެ. އެ އަމުރު ދައުލަތުގެ ފަރާތުން ހައި ކޯޓުގައި އިސްތިއުނާފު ކުރުމުން ހައި ކޯޓުން ހުކުމްކުރީ ލަމްހާ އަލުން ބަންދު ކުރުމަށެވެ. ހައި ކޯޓުގެ ހުކުމާ އެއްގޮތަށް ލަމްހާ ބަންދުގައި ކޮށްފައި ހުއްޓާ އޭނާގެ ފަރާތުން ވަނީ މިދިޔަ މަހުގެ 29 ގައި ބަންދު މުރާޖާ ކޮށްދިނުމަށް އެދި ކުރިމިނަލް ކޯޓަށް ސިޓީއެއް ފޮނުވައިފައެވެ.
އެ ސިޓީއާ ގުޅިގެން މިދިޔަ ހަފުތާގައި ބޭއްވި އަޑުއެހުމުގައި ލަމްހާގެ ފަރާތުން އެދިފައިވަނީ އޭނާ ބަންދުގައި ބަހައްޓަންޖެހޭ މަގުބޫލު ސަބަބެއް ނެތުމުން ޝަރުތުތަކަކާއެކު ބަންދުން ދޫކޮށްލަ ދިނުމަށެވެ. ނަމަވެސް ލަމްހާ ބަންދު ދޫކޮށްލުމަށް ދައުލަތުން ވަނީ ދެކޮޅު ހަދައިފައެވެ. ލަމްހާ ބަންދުން ދޫކޮށްލުމަށް ދައުލަތުން ދެކޮޅު ހެދީ އޭނާގެ ފަރާތުން މުޖުތަމައަށް ނުރައްކަލެއް ކުރިމަތިވެދާނެތީއެވެ.
ދައުލަތުގެ އެ ވާހަކައަށް ރައްދު ދެއްވައި ޔާމީން ވިދާޅުވީ ލަމްހާ މީގެ ކުރިން ގޭބަންދުގައި ހުރިއިރުވެސް އޭނާގެ ފަރާތުން މުޖުތަމައަށް ނުރައްކާ ވެދާނެ ފަދަ އަމަލެއް ފެނިފައިނުވާ ކަމަށެވެ.

4 Comments
ގުޅުންހުރި
ކޮފީފުޅި ވަގަށް ނެގި މީހަކު ހަތް ދުވަހަށް، ދަވާދު ދަޅެއް ވަގަށް
ގެއްލިގެން ހޯދަން އިއުލާނު ކުރި މީހަކު ޑްރަގް އެތެރެކުރަނިކޮށް ހައްޔަރުކޮށްފި
ޝަމްއާންގެ ބަންދަށް 15 ދުވަސް ޖެހި މައްސަލަ ހައިކޯޓަށް
އެޗްއާރްސީއެމުން ވެސް ޒަކިއްޔާގެ މަރުގެ މައްސަލަ ބަލަނީ
72 ކިލޯގެ ޑުރަގް އެތެރެކުރި މައްސަލަ: ފުލުހުން ހެދި ގޯސްތަކެއްގެ ސަބަބުން
ކޭ ޕާކް މައްސަލަ: މަންޑޭ ބުނީ ވަކީލަކު އައްޔަން ކުރާނެ ތަނަވަސްކަމެއް