އާޓިފިޝަލް ބީޗު ކައިރިން މަގުމައްޗަށް ވެއްޓުނު މީހަކު މަރުވެއްޖެ

އާޓިފިޝަލް ބީޗު ކައިރިން މަގުމައްޗަށް ވެއްޓުނު މީހަކު މަރުވެއްޖެ އެވެ.

ފުލުހުން މިއަދު ބުނީ މަރުވެފައިވަނީ ސ. ހިތަދޫ، ސޯސަންގެ، އަހުމަދު ޝަރީފު 53އ ކަމަށެވެ.

އަހުމަދު ޝަރީފު، އާޓިފިޝަލް ބީޗު ކައިރިން މަގުމައްޗަށް ވެއްޓިފައިވަނީ މިއަދު ހެނދުނު 8:56 އެހާކަންހާއިރު ކަމަށެވެ. އޭނާ މަރުވެފައިވަނީ އޭޑީކޭ ހޮސްޕިޓަލުގައި ފަރުވާ ދެމުންދަނިކޮށް މިއަދު 10:03 ގައި ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުންޏެވެ.

އޭނާއަށް މަގުމައްޗަށް ވެއްޓިފައިވަނިކޮށް އޭޑީކޭ ހޮސްޕިޓަލަށް ގެންގޮސްފައިވަނީ ފުލުހުން ކަމަށް ފުލުހުން ބުންޏެވެ.

ފުލުހުން ބުނީ މި މައްސަލައާ ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.