އިންޓަނޭޝަނަލް ރެސިޑެންސް އެންޑް ސިޓިޒެންޝިޕް އެޑްވައިޒަރީ ފާމު ހެންލީ އެންޑް ޕާޓްނާޒް އިން ދޭ ގްލޯބަލް ސިޓިޒަން އެވޯޑު ކުރީގެ ރައީސް މުހައްމަދު ނަޝީދުއަށް ލިބިވަޑައިގެންފި އެވެ.
ސްވިޒަލޭންޑުގެ އެންޖީއޯއެއް ކަމަށްވާ އަންޑަން ފައުންޑޭޝަނާ ގުޅިގެން ހެންލީ އެންޑް ޕާޓްނާޒް އިން ދޭ މި އެވޯޑަކީ އެކި ދާއިރާތަކުން ދުނިޔޭގެ ފެންވަރުގައި މަސައްކަތްކޮށް ބައިނަލްއަގުވާމީ މުޖުތަމައު ކުރިއެރުވުމަށް މަސައްކަތް ކުރާ ފަރާތްތަކަށް ދޭ އެވޯޑެކެވެ. އެ އެވޯޑް ހޮވުމުގެ މަރުހަލާ ބިނާވެފައިވަނީ ގްލޯބަލް ސިޓިޒަން އެވޯޑް ކޮމިޓީގެ އަޣުލަބިއްޔަތުން ނިންމާ ނިންމުމަށެވެ.
މި އަހަރުގެ އެވޯޑު ނަޝީދަށް އަރުވާފައިވަނީ ސިންގަޕޫރުގައި މިހާރު ކުރިއަށްދާ 18 ވަނަ ގްލޯބަލް ސިޓިޒެންޝިޕް ކޮންފަރެންސްގަ އެވެ.
ހެންލީ އެންޑް ޕާޓްނާސް ފާމްގެ ޗެއާމަން ޑރ. ކްރިސްޓިއަން އެޗް ކައެލިންގެ އިސްނެންގެވުމުގެ މަތިން އެ އެވޯޑް ދޭން ފެށީ 2014 ވަނަ އަހަރުން ފެށިގެންނެވެ. އެ ފަހުން މި އެވޯޑް ދީފައިވަނީ ހަ ބޭފުޅަކަށެވެ. ނަޝީދަކީ މުޅި ދުނިޔެއިންވެސް އެ އެވޯޑް ލިބިވަޑައިގެންނެވި ހަތްވަނަ ބޭފުޅާ އެވެ.
ރާއްޖޭގައި ގިނަ ސިޔާސީ ޕާޓީތަކަކަށް ވާދަކުރެވޭ ގޮތަށް ބޭއްވި ފުރަތަމަ އިންތިހާބު ކާމިޔާބު ކުރެއްވި އަދި ރައްޔިތުންގެ މަޖިލީހުގެ މެންބަރުކަމާއި މަޖިލީހުގެ ރައީސްކަން ވެސް ކުރެއްވި ނަޝީދު މިހާރު ހުންނެވީ ރާއްޖޭގެ ސިޔާސީ މައިދާނުން ވަގުތީ ގޮތުން ފެޔަށް ޖެހިވަޑައިގަންނަވައިގެންނެވެ.
އެ މަނިކުފާނު މިހާރު ދިރިއުޅުއްވަނީ ކްލައިމެޓް ވަލްނަރަބަލް ފޯރަމްގެ ސެކްރެޓަރީ ޖެނެރަލްގެ މަސްއޫލިއްޔަތުތައް އަދާކުރެއްވުމަށް ގާނާ ގައެވެ.
3 Comments
ގުޅުންހުރި
ކުރިއަށް އޮތް 24 ގަޑިއިރު ރާއްޖޭގެ ބޮޑު ބަޔަކަށް މޫސުން ގޯސްވާނެ:
ގެއެއްގެ ވެރިޔާއަށް ބިރުދައްކައި އަނިޔާކުރި މީހުން، ފުލުހުންނަށް ހެކި ނުދެއްކިގެން ދޫކޮށްލައިފި
މާލެ ސަރަހައްދުގައި 119،472 އުޅަނދު ދުއްވާ، ކެރީން ކެޕޭސިޓީއަކަށް 89،413 އުޅަނދު!
ގޭމާސް ކްލަބުން 3އޮން3 ފުޓްސެލް މުބާރާތެއް ބާއްވަނީ، ބައިވެރިވާން ހުޅުވާލައިފި
ޑިރެކްޓާ ޖެނެރަލް އޮފް ބްލަޑް ސާވިސްގެ މަގާމަށް މީހަކު ހޯދަނީ
ނުދައްކާހުރި ބިދޭސީންގެ ފީތަކުގެ ތެރެއިން 1.6 ބިލިއަން ރުފިޔާ ލިބިއްޖެ
ކުރިއަށް އޮތް 24 ގަޑިއިރު ރާއްޖޭގެ ބޮޑު ބަޔަކަށް މޫސުން ގޯސްވާނެ:
ގެއެއްގެ ވެރިޔާއަށް ބިރުދައްކައި އަނިޔާކުރި މީހުން، ފުލުހުންނަށް ހެކި ނުދެއްކިގެން ދޫކޮށްލައިފި
މާލެ ސަރަހައްދުގައި 119،472 އުޅަނދު ދުއްވާ، ކެރީން ކެޕޭސިޓީއަކަށް 89،413 އުޅަނދު!
ގޭމާސް ކްލަބުން 3އޮން3 ފުޓްސެލް މުބާރާތެއް ބާއްވަނީ، ބައިވެރިވާން ހުޅުވާލައިފި