ރަސްފަންނު މޫދުން މި ދުވަސްވަރު ނުރައްކާތެރި ކޯން ސްނެއިލް ފެންނަމުންދާ ކަމަށް ބުނެ އެ ކަމަށް ސަމާލުވާން ރާއްޖޭގެ ތިމާވެށި ހިމާޔަތްކުރުމަށް މަސައްކަތްކުރާ ޖަމިއްޔާއެއް ކަމަށްވާ އޯޝެނޯހޯލިކް މޯލްޑިވްސް އިން އެދެފި އެވެ.
އޯޝެނޯހޯލިކް މޯލްޑިވްސް އިން މިއަދު ކޮށްފައިވާ ޕޯސްޓެއްގައި ބުނީ، މި ދުވަސްވަރު ރަސްފަންނުން ނުރައްކާތެރި ކޯން ސްނެއިލް ފެންނަމުންދާ ކަމަށެވެ. އެ އެއްޗެހި އާންމުކޮށް ފެން މައްޗަށް އަރާނީ އިރުއޮއްސޭ ވަގުތު ކަމަށާއި އެހެންކަމުން ހަވީރާއި ރޭގަނޑު އެ ސަރަހައްދަށް މޫދަން އެރެންދާ ނަމަ ސަމާލުވާން ވަނީ އެދިފަ އެވެ.
އޯޝެނޯހޯލިކް މޯލްޑިވްސް އިން ވަނީ ކުޑަކުދިން، ރަސްފަންނު މޫދަށް އެރުވާއިރު މޫދަށް އެރޭއިރު އަރާ ކަހަލަ ފައިވާނަށް އެރުވުމަށާއި ހުސްފަޔާ މޫދަށް ނޭރުމަށް އިލްތިމާސްކޮށްފަ އެވެ.
ދުނިޔޭގެ އެކި ކަންކޮޅުތަކުގައި 600 އަށްވުރެ ގިނަ ވައްތަރުގެ ކޯން ސްނެއިލް އުޅޭ އިރު، މިއީ އާންމުކޮށް އިންސާނުންނަށް ހަމަލަދޭ އެއްޗެކެވެ. އަދި ކިތަންމެ މަޑުމައިތިރިކޮށް ތިއްބަސް މިއީ ވަރަށް ނުރައްކާތެރި އެއްޗެކެވެ. މީއީ ވަރަށްވެސް ވިހަގަދަ އެއްޗަކަށްވާއިރު އިންސާނުން މީގެ ވިހައިގައިޖެހި މަރުވުން އެކަށީގެންވެ އެވެ.
32 Comments
ގުޅުންހުރި
މީހުން ބަދަލުކުރާ ހިރިމަރަދޫގައި 4 މިލިއަންގެ ޕްރޮޖެކްޓެއް, ފާޑުކިޔާތީ ސަރުކާރުން ރައްދު
ހަގީގީ ބާއްޖަވެރިކަމަކީ ހިތުގެ އުފާވެރިކަމާއި ނަފުސުގެ ހަމަޖެހުމެވެ.
ބަންޑުން ޖަހާލި ކޮޅުވެއްޓި ދުއްވި ކެޕްޓަނުގެ އަތުގައި ލައިސަންސެއް ނެތް!
ތަރައްގީގެ 206 މަޝްރޫއެއް ހިންގުމަށް އަމިއްލަ ކުންފުނިތަކާ ހަވާލުކޮށްފި
ކޮޅަށް މި ޖެހީ ބަނގުރޫޓު ކޮށްލުމަށް ޑިޒައިން ކޮށްފައިވާ އިގުތިސާދެއް: ރައީސް
އެމްއެންޑީއެފަށް އިތުރު އަސްކަރީ މަތިންދަބޯޓުތައް ހޯދައި, ސައިބާ ވޯފެއާގެ ކެޕޭސިޓީ އިތުރުކުރަނީ