ހައުސިން މިނިސްޓްރީގައި އިއްޔެ ހިނގި އަލިފާނުގެ ހާދިސާއާ ގުޅިގެން އެ މިނިސްޓްރީގެ ސާވާތަކުގައި ހުރި މައުލޫމާތު ރިކަވާނުވެއްޖަނަމަ މަޝްރޫއުތަކުގެ މައުލޫމާތު ގެއްލޭނެ ކަމަށް ހައުސިން މިނިސްޓަރު ޑރ. އަލީ ހައިދަރު ވިދާޅުވެއްޖެ އެވެ.
އަލިފާނުގެ ހާދިސާއާ ގުޅިގެން ހައުސިން މިނިސްޓްރީ ވަނީ އެއްކޮށް އަނދައި ހުލިވެފަ އެވެ. އެހެންވެ އެ މިނިސްޓްރީ ހިންގުން ވަގުތީ ގޮތުން ވަނީ ދަރުބާރުގެއަށް ބަދަލުކޮށްފަ އެވެ.
ދަރުބާރުގެ ކައިރީގައި މިއަދު ހުންނަވައިގެން ޕީއެސްއެމަށް ދެއްވި އިންޓަވިއެއްގައި ހައިދަރު ވިދާޅުވީ ސާވޭތަކުގައިހުރި މައުލޫމާތު ރިކަވާ ކުރެވޭނެ ކަމަށް ނުބެލެވޭ ކަމަށެވެ.
”ހުރިހާ މުވައްޒަފުންގެ މައުލޫމާތާއި އަދި އަޅުގަނޑުމެން ކުރަމުން ގެންދިޔަ ހުރިހާ މަޝްރޫއުތަކެއްގެ މައުލޫމާތު ވެސް ހަމަ ރައްކާ ކުރެވިފައި ހުންނާނީ ސާވާގައި، އެ ސާވާއަށް އެކްސެސް ނުލިބޭ ކަމަށްވަންޏާ އަޅުގަނޑުމެންނަކަށް އެ މައުލޫމާތެއް އަލުން ހޯދޭނެ ގޮތެއް ނޯންނާނެ، ދެން ހުރިހާ ލިޔެކިޔުމެއް ވެސް އަނދައި ދިޔައީ،“ ހައިދަރު ވިދާޅުވި އެވެ.
”މާބޮޑު އުއްމީދެއް ނެތަސް އަޅުގަނޑުމެން ކޮންމެހެން ކުރަންޖެހޭ ކަމެއް ކިރިޔާވެސް އެ މައުލޫމާތުތައް ހޯދޭ ކަމަށް ވަންޏާ އަޅުގަނޑުމެން ބަލާނަން އެ މައުލޫމާތުތައް ހޯދޭތޭ… އެކަމަށް ޑިސްކު އެނަލައިޒްކޮށްގެން އެ އެއް އެނގޭނީ. އެނަލައިޒް ކުރަން ފަހަރެއްގައި ބޭރަށްވެސް ފޮނުވަން ޖެހިދާނެ.“
ހައިދަރު ވިދާޅުވީ އަލިފާނުގެ ހާދިސާގައި ބައެއް ކަރުދާހުގައި ހުރި މައުލޫމާތުތައް ރައްކާތެރިކުރެވިފައިވާ ކަމަށެވެ.
އޭނާ ވިދާޅުވީ، ޑިސްކަތަކުގައި ގޭގެ ރަޖިސްޓްރީތަކާއި ކުރެހުންތައް ހުންނާނެ ކަމަށާއި ޑިސްކުން އެ ތަކެތި ރިކަވާނުވެއްޖެ ނަމަ އަލުން ޖެހޭނީ އެ މައުލޫމާތުތައް ހޯދަން ކަމަށެވެ. ނަމަވެސް އަލިފާނުގެ ހާދިސާއާ ގުޅިގެން ލިޔުންތަކެއް ސަލާމަތްކުރެވުނަސް އެއީ ކޮން ލިޔުންތަކެއް ކަމެއް އަދި އެއްކޮށް ސާފުނުވާ ކަމަށް ހައިދަރު ވިދާޅުވި އެވެ.

4 Comments
ގުޅުންހުރި
މާލެ ދަތުރު ކުރަމުންދިޔަ ހޮޅުދޫ ބޯޓުގައި ރޯވެ އަނދައިފި
ފިހުނު ދެމަފިރިންނަށް ފަރުވާ ދިނުމަށް އިންޑިއާގެ ޓީމެއް ރާއްޖެ އަތުވެއްޖެ
13 އަހަރުގެ ކުއްޖަކު ފިހުނު މައްސަލަ ފުލުހުން ބަލަން ފަށައިފި
އަލިފާނުގެ ހާދިސާއެއްގައި ކުޑަކުއްޖަކު ވަރަށް ބޮޑަށް ފިހިއްޖެ
ގުދަނުގައި ރޯވެ ގެއްލުންވި ގެތަކުން 22 މީހަކަށް ވަގުތީ ބޯހިޔާވަހިކަން ފޯރުކޮށްދީފި
ދާންދޫ ދާއިރާގެ ޕީއެންސީ މެންބަރު ފަޒީލް ވޯޓު ދިނީ ހައިދަރަށް ރުހުން