ވިސާ ނެތި ރާއްޖޭގައި ދިރިއުޅެމުން އަންނަ ފްރާންސްގެ މުސްލިމު އާއިލާ ރާއްޖެއިން ފުރުވައިލަން ނިންމާފައިވާ ކަމަށް އިމިގްރޭޝަން ކޮންޓްރޯލާ މުހައްމަދު ޝަމްއާން ވިދާޅުވެއްޖެ އެވެ.
އިމިގްރޭޝަން ކޮންޓްރޯލަރު އެކްސްގައި ކުރެއްވި ޕޯސްޓެއްގައި ވިދާޅުވީ، ފްރާންސަށް ނިސްބަތްވާ ހަ މީހުންގެ އާއިލާގެ މައުލޫމާތު މި އަހަރުގެ ޖުލައި 18 ގައި ’އިމިގްރޭޝަން ވޮޗް‘ އަށް ލިބުމާއި ގުޅިގެން އެ މައްސަލަ ބެލުމަށްފަހު މި އަހަރުގެ އޮކްޓޯބަރު 23 ގައި އެ މައްސަލައިގައި ހިމެނޭ އިސް ފަރާތް އިމިގްރޭޝަނަށް ހާޒިރުކުރި ކަމަށެވެ.
އަދި އެ އާއިލާގެ ޕާސްޕޯޓުގެ މުއްދަތު ހަމަވެފައިވާތީ އެ އާއިލާ ރާއްޖެއިން ފުރުވާލުމަށް ބޭނުންވާ ޓްރެވަލް ޑޮކިއުމަންޓްރީ ހޯދުމުގެ މަސައްކަތް ފޮރިން މިނިސްޓްރީއާ ގުޅިގެން ކުރަމުން އަންނަ ކަމަށްވެސް ވިދާޅުވިއެވެ.
”އިމިގްރޭޝަން ގާނޫނާ ހިލާފަށް ރާއްޖޭގައި އުޅުމަށް އެއްވެސް ފަރާތަކަށް ފުރުސަތެއް ނުދެވޭނެ،“ ޝަމްއާން ވިދާޅުވިއެވެ.
ފްރާންސްގެ ދެމަފިރިންނާއި އޭރު އެ މީހުންގެ ތިބި ތިން ކުދިންނާއެކު ރާއްޖެ އައީ މީގެ 12 އަހަރު ކުރިން ތިން މަސް ދުވަހުގެ ޓޫރިސްޓު ވިސާގަ އެވެ. ނަމަވެސް ވިސާގެ މުއްދަތު ހަމަވި އިރުވެސް އެ މީހުންނަށް ރާއްޖެއިން ފުރޭ ގޮތެއް ނުވި އެވެ.
އެ އާއިލާއާ ގުޅޭ މައުލޫމާތު އެނގޭ ބައެއް މީހުންނާ ހަވާލާދީ ’މިހާރު‘ ނޫހުގައި ބުނެފައިވާ ގޮތުން، ފްރާންސްގެ އެ ދެމަފިރިން އިސްލާމްވުމަށް ފަހު، އެ ގައުމުގައި ދިރިއުޅެން އުނދަގޫވުމުން އެ މީހުން އެންމެ ފުރަތަމަ ދިޔައީ އިނގިރޭސި ވިލާތަށެވެ. އެއަށްފަހު ރާއްޖެ އައިސް ފުރަ
ތަމަ ދިޔައީ ގދ. ތިނަދުއަށެވެ. އޭގެ ފަހުން ލ. އަތޮޅުގައި އުޅުމަށް ފަހު ތ. ތިމަރަފުއްޓަށް ބަދަލުވި އެވެ. އެ މީހުން މިހާރު ދިރިއުޅެމުންދަނީ ތ. ވޭމަންޑޫގަ އެވެ. އެ ރަށަށް ބަދަލުވިތާވެސް ހަ އަހަރު ވެފައިވާއިރު އެ ދެމަފިރިންގެ އެންމެ ހަގަށް ތިބި ދެ ކުދިން ވިހެއީ ވެސް ވޭމަންޑޫގަ އެވެ.

33 Comments
ގުޅުންހުރި
ތަފާތު ކުޅުމެއް ދައްކައި ޓީއެފްޓީން ޓީސީ ބަލިކޮށްފި, އެލްޓީ ކަޓުވާލައި ލޮރެންޒޯ
ގަދަ ހިފުމުގައި ބީޖީ ކަޓުވާލުމަށްފަހު އެންމެ ފަހުގެ ރަނަރަޕް ސީކޭ ސެމީއަށް
ޓްރަމްޕް ޑިއުޓީ ބޮޑުކުރި ތަންތަނުގެ ތެރޭގައި ފަޅު ރަށްތަކެއް، އެތާ އުޅެނީ
ސިޓީ ދޫކޮށްލަން ޑި ބްރޭނާ ނިންމައިފި
ދަރިފުޅަށް އަހަރެއް ވަންދެން އަނިޔާދީ މަރާލުމަށްފަހު ހަށިގަނޑު އަންދާލި މަންމަ ޖަލަށް
އިލްމު އުނގެނޭށެވެ. އެހެނީ މަރުވުމަށްފަހުވެސް އުނގެނި، އަނެކާއަށް ފޯރުކޮށްދިން އިލްމުގެ ފައިދާ