މަޑިފުށިން ގެއްލިގެން ހޯދި މީހާ ފެނިއްޖެ

ތ. މަޑިފުށިން ގެއްލިގެން ހޯދަމުން ދިޔަ މީހާ މިހާރު ފެނިފައިވާ ކަމަށް ފުލުހުން މިއަދު ބުނެފިއެވެ.

ގެއްލިގެން ހޯދަން އިއުލާނުކޮށްފައި ވަނީ ތ. މަޑިފުށި، ބޮންތި ޙަސަން ނިހާލު (34އ) އެވެ.

ފުލުހުން މިއަދު އެކްސްގައި ކުރި ޕޯސްޓެއްގައި ބުނީ ގެއްލިގެން ފުލުހުންނަށް ރިފޯޓްކުރުމާ ގުޅިގެން ހޯދަމުންދިޔަ ހަސަން ނިހާލު، އިއްޔެގެ ވަގުތެއްގައި ފެނިފައިވާކަމަށް އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ.

ފުލުހުން އޭނާ ހޯދުމަށް އިއުލާނުކުރީ، ގެއްލިގެން އުޅޭތާ ދެ ދުވަސް ވެސް ވީ ފަހުންނެވެ.

މިދިޔަ އާދިއްތަ ދުވަހުގެ ރޭ ނިހާލުގެ އާއިލާއަށް ޚަބަރެއް ނުވެގެން 20:07 އެހާ ކަންހާއިރު ފުލުހުންނަށް އާއިލާއިން ވަނީ ރިޕޯޓު ކޮށްފައެވެ.